2. Rajengro liil 19:2 - O Debleskro Drom 2021 (Sinte)

² Un job bitchras ko pralstunes pral leskro kheer, o Eljakim, ninna o Shebna, kai tchinas i lila, un kol phureder rashaja pash o Debleskro rakepaskro, o Jesaja, koleskro dad o Amoz hi. Kol mursha his ninna rido an gone.

O Debleskro Lab 2024 (Sinte-Manouche)

² Oun yob bičras ko pralstounes pral leskro kheer, o Elyakim, ninna o Shebna, kay činas i lila, oun kol phoureder rashaya pash o Debleskro rakepaskro, o Yesaya, koleskro dad o Amoz hi. Kol morsha his ninna rido an gone.

2. Rajengro liil 19:2 ပူးပေါင်းရင်းမြစ်များ

2. Samuel 3:31

O David penas ap o Joab un ap kol tsele menshende, kai pash leste his: “Krenn tumare koola paash, un tchiwenn i gono trul tumende, un rowenn pral o Abner, kai mulo hi!” Un o baro rai djas pal o mochton, kai o mulo Abner dren his.

2. Rajengro liil 12:10

Un o rashai Jojada las i mochton un kras i cheb dren, un mukas ko mochton pash o sasterno bob te tchiwell ap i tchatchi rig, kote kai i menshe dren wenna an o baro Debleskro kheer. Kol rashaja, kai kote jak dan, tchiwan ko tselo rup kote dren, hoi an o baro Debleskro kheer anlo wella.

2. Rajengro liil 18:18

Kote mukan le o baro rajes te kharell. Un o Hiskija bitchras pash lende triin murshen: o pralstunes pral peskro kheer, o Eljakim, leskro dad hi o Hilkija, un o Shebna, kowa kai tchinell i lila, un o moskro Joach, koleskro dad o Asaf hi.

2. Rajengro liil 19:3

Un jon hunte penan leske: “Kawa penell o Hiskija: ‘Kau diwes hi i diwes pherdi traash, phagi un ladj. Hi jaake har penlo well: O ternepen kamell ap kai phub te well, un i dat hi kek soor, te anell li les win.

2. Familjakro liil 26:22

Ko tselo wawar koowa, hoi pral o Usija penepaske hi, kowa hi tchinlo an o liil, hoi o Debleskro rakepaskro, o Jesaja tchinas, koleskro dad o Amoz his.

Jesaja 1:1

Kowa hi, hoi mukas o baro Dewel o murshes Jesaja te dikell pral o them Juda un pral o foro Jerusalem. O Jesaja his o tchawo ko murshestar Amoz. Kowa his an ko tsiro, kai his o Usija, o Jotam, o Ahas, un o Hiskija i bare raja pral o them Juda.

Jesaja 2:1

Kawa hi, hoi dikas o Jesaja, pral o them Juda un o foro Jerusalem. Leskro dad hi o Amoz.

Jeremia 19:1

O baro Dewel penell: Dja pash ko mursheste, kai krell pirja, un gin tuke i khoro! Un le tuha pralstunen un phureder rashajen.

Jeremia 36:24

Kek kolendar, kai shunan kol laba, las traash un sikras, kai kol laba leske an o dji djan, gar o baro rai un witar gar kol pralstune pash leste.

Mateo 4:14

Jaake was kowa tchatcho, hoi o Debleskro rakepaskro, o Jesaja, glan i rah tsiro penas:

Louka 3:4

Jaake tchinas o Debleskro rakepaskro, o Jesaja: Jek dell gole an o mulo them: Krenn maro Debleske o drom, te nai well lo pash i menshende! Lenn halauter krik, hoi o Debleske an o drom tchiddo hi!