2. Rajengro liil 18:6 - O Debleskro Drom 2021 (Sinte)

⁶ Job rikras pes ap o baro Debleste un mukas lestar gar tele, un rikras pes ap leskre tsele laba, kai o baro Dewel o Moseske penas.

O Debleskro Lab 2024 (Sinte-Manouche)

⁶ Yob rikras pes ap o baro Debleste oun moukas lestar gar tele, oun rikras pes ap leskre tsele laba, kay o baro Devel o Moseske penas.

2. Rajengro liil 18:6 ပူးပေါင်းရင်းမြစ်များ

2. Rajengro liil 17:13

Un o baro Dewel das kol menshen an o them Israel un an o them Juda trad, har mukas lo peskre rakepangre un dikepangre lenge te penell: “Mukenn tumaro tchilatche dromma! Un krenn hoi me penau! Un djiwenn pal miro tchatchepen! Un djan tumaro tselo djijeha ap miro drom, hoi sikrom tumare phurende. Un djiwenn pal kol laba, hoi penan tumenge mire budepangre, kai mire rakepangre hi.”

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Rajengro liil 17:19

Ninna kolla dran Juda rikran pen gar ap i laba lengro baro Deblestar, na-a, jon djiwan jaake har kol wawar dran Israel ninna djiwan.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

Jesaja 38:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

Jeremia 11:4

Har me tumare phuren dran o them Egiptia lom, har dran i sasterno jagakro bob, krom me lentsa win, te shunenn le ap mande, un krenn har lenge penom, palle hi jon mire menshe, un me hom lengro Dewel.

Johanni 14:15

“Te kamenn tumer man o djijestar, krenn tumer, hoi me tumenge penom.

Johanni 14:21

Koon mire laba shunella un krell, hoi me penau, kowa kamell man tchatchepah o djijestar. Un koon man kamella, koles kamell miro dad. Un me kamau les ninna o djijestar un me sikrau leste, koon me hom.”

Johanni 15:10

Te krenn tumer kowa, hoi me tumenge penom, atchenn tumer an miro kamlepen jaake, har me kowa krau, hoi miro dad mange penas. Un me atchau an leskro kamlepen.

Johanni 15:14

Te krenn tumer, hoi me tumenge penom, han mire mala.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

5. Mose 10:12

Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

5. Mose 10:20

Un hunte shunenn ap tumaro baro Debleste un mangenn les kokres an. Rikrenn tumen ap leste kokres. Te denn tumen sowel, denn tumaro sowel pash leskro lab.

Josua 23:8

O baro Dewel hi tumaro Dewel. Ap leste rikrenn tumen, jaake har ap leste rikran bis ap kau diwes.

1. Johanni 5:3

Maro kamlepen o Debleske sikrell pes, te krah mer kowa, hoi job menge penella. Un kowa, hoi job menge penella te kras, kowa hi gar pharo.