2. Rajengro liil 18:32 - O Debleskro Drom 2021 (Sinte)

³² bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob, mool, maro, drakengre ruka, djeteskre ruka un gwin. Palle nai atchenn djides un hunte merenn gar. Shunenn gar ap o Hiskija! Job chochell tumen, te penell lo ap tumende: ‘O baro Dewel lell men dran lengre wasta win.’

O Debleskro Lab 2024 (Sinte-Manouche)

³² bis te me vau oun lau t'men mantsa, oun anau t'men an i vavar them, hoy hi yaake har t'maro them. An ko them hi doha djob, mool, maro, drakengre rouka, djeteskre rouka oun gvin. Palle nay ačenn djides oun hounte merenn gar. Shounenn gar ap o Hiskiya! Yob rhorhell t'men, te penell lo ap t'mende: O baro Devel lell men dran lengre vasta vin.

2. Rajengro liil 18:32 ပူးပေါင်းရင်းမြစ်များ

1. Mose 49:11

Job pandell peskri burika ap i drakengro ruk. Un lakro ternepen pandell lo ap o latcho drakengro ruk. Peskro ripen thowell lo an mool, peskri baja an loli mool.

2. Rajengro liil 17:23

Kowa djas jaake rah, bis te o baro Dewel i Israelitarjen glan peste krik tradas, un was jaake har leskre budepangre glan-wi penan, kolla, kai leskre rakepangre his. Jaake wan i Israelitarja dran o them Israel pandles krik anlo an o them Assur. Kote hi le gomme kau diwes.

2. Rajengro liil 17:6

Un har o Hoshea an o enjato bersh baro rai his, las o baro rai pral o them Assur o foro Samaria dren, un anas i menshen dran Israel pandles krik an o them Assur, un mukas len te djiwell an o them Halach un pash o lengsto pani Habor an o them Gosan, un an i forja, kai i Medarja djiwan.

2. Rajengro liil 18:11

Un o baro rai pral o them Assur mukas i menshen dran Israel krik te anell an o them Assur, un mukas len te djiwell an o them Halach un pash o pani Habor an o them Gosan, un an i forja, kai i Medarja djiwenn.

2. Rajengro liil 19:10

un mukas leske te penell: “Muk tut tiro Deblestar gar te chochell, ap koleste tu patseh un peneh: ‘O foro Jerusalem well gar an o wast dino o baro rajestar pral o them Assur.’

2. Rajengro liil 25:11

Un kol menshen, kai pral atchan an o foro Jerusalem, anas o Nebusaradan pandles krik an o them Babilonia, ninna kolla, kai dan pen an o wast o baro rajestar pral o them Babilonia, khetne kolentsa, kai pral atchan kol budendar, kai glan i tsiro koi djiwan.

Debleskri gili 3:3

Bud penenn mandar: “O Dewel hi gar ap leskri rig.”

Debleskri gili 42:4

I wawar penenn ap mande hako diwes: “Kai hi tiro Dewel?” Doleske rowau o tselo diwes un haki rati; mire swa wan miro pipen.

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

Jesaja 36:17

bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob un mool, maro un drakengre ruka.

4. Mose 14:8

Te hi o baro Dewel kamlo ap mende, anell job men an ko them un dell les mende. Kowa hi i them, kai hi bud thud un gwin.

5. Mose 11:12

hi i them, ap koleste tumaro baro Dewel jak dell. Leskre jaka dikenn o tselo bersh latches ap leste.