2. Rajengro liil 18:17 - O Debleskro Drom 2021 (Sinte)

¹⁷ Un o baro rai pral o them Assur bitchras peskre triin pralstune murshen pash o Hiskija: o Tartan, o Rabsaris un o Rabshake. Kolla djan bud lurdentsa dran o foro Lakish pre an o foro Jerusalem. Un har le koi wan, atchan le pral tardo pash o panjeskro drom, kai nashell o pani an o foro Jerusalem. Kowa hi pash koi platsa, kai i djuwja pengre koola thowenna.

O Debleskro Lab 2024 (Sinte-Manouche)

¹⁷ Oun o baro ray pral o them Assour bičras peskre triin pralstoune morshen pash o Hiskiya: o Tartan, o Rabsaris oun o Rabshake. Kolla djan boud lourdentsa dran o foro Lakish pre an o foro Yerusalem. Oun har le koy van, ačan le pral tardo pash o panyeskro drom, kay nashell o pani an o foro Yerusalem. Kova hi pash koy platsa, kay i djouvya pengre koola thovenna.

2. Rajengro liil 18:17 ပူးပေါင်းရင်းမြစ်များ

2. Rajengro liil 14:19

Un jon kran pen khetne an o foro Jerusalem, te marenn le o Amazja. Job nashas peske an o foro Lakish. Un jon bitchran murshen leske palla an o foro Lakish un maran les kote.

2. Rajengro liil 18:16

An ko tsiro phagas o Hiskija ninna o sonakai tele i wudjendar an o baro Debleskro kheer, hoi mukas lo glan i tsiro pre te krell, un das les o baro rajestar pral o them Assur.

2. Rajengro liil 19:23

Tire bitchepangren bitchral, te praassenn le man, un penal: “Pral ap i berge mire wurdjentsa djom, un dur dren an o Libanon wom. I bare un shukar ruka trujel dom, un an o diwjo weesh lengro khatepen hatsom.

2. Rajengro liil 19:6

mukas lo lenge te penell: “Penenn tumaro rajeske: Jaake rakras o baro Dewel: ‘Tu shunal kol laba, kolentsa man i bitchepangre o baro rajestar dran o them Assur praassan. Ma traash glan kowa, hoi jon penan!

2. Rajengro liil 20:20

Ko tselo wawar, hoi pral o Hiskija penepaske hi, un leskro baro koowa, hoi lo kras, hi tchinlo an o familjakro liil kol bare rajendar pral o them Juda. Kote hi ninna tchinlo, har lo ko tikno pani dren pandas un ko panjeskro drom kras, te nai well ko pani an o foro dren.

2. Familjakro liil 12:4

Un job las kol tsele sorele forja dren, kai an o them Juda his, un was bis glan o foro Jerusalem.

2. Familjakro liil 32:9

Pal i tsiro, har his ko baro rai pral o them Assur, o Sanherib, peskre lurdentsa pash o foro Lakish tardo, bitchras lo peskre pralstune murshen an o foro Jerusalem pash o Hiskija, ko baro rajeste pral o them Juda, un mukas leske un kol tsele menshenge dran Juda, kai an Jerusalem his, te penell:

Jesaja 20:1

O baro rai pral o them Assur, o Sargon, bitchras peskro pralstuno lurdes, te kurell lo pes o foreha Ashdod. Un an ko bersh, har job ko foro dren las,

Jesaja 36:2

Un o baro rai dran o them Assur bitchras jekes leskre pralstunendar bud lurdentsa dran o foro Lakish pash o baro rajeste Hiskija an o foro Jerusalem. Un o pralstuno atchas tardo pash o panjeskro drom, kai nashell o pani an o foro Jerusalem. Kowa hi pash koi platsa, kai i djuwja pengre koola thowenna.

Jesaja 7:3

Un o baro Dewel penas ap o Jesaja: Dja win, dja pash o Ahas, tu un tiro tchawo Shear-Jashub. Tu hatseh les kote, kai o panjeskro drom gar dureder djal, pash ko pralstuno pani, ap ko drom pash koi platsa, kai kolla budrenn, kai plachte krenna.