2. Rajengro liil 18:15 - O Debleskro Drom 2021 (Sinte)

¹⁵ Jaake das leste o Hiskija ko tselo rup, hoi hatsas pes an o baro Debleskro kheer un an o baro rajeskro kheer.

O Debleskro Lab 2024 (Sinte-Manouche)

¹⁵ Yaake das leste o Hiskiya ko tselo roup, hoy hatsas pes an o baro Debleskro kheer oun an o baro rayeskro kheer.

2. Rajengro liil 18:15 ပူးပေါင်းရင်းမြစ်များ

1. Rajengro liil 15:15

Un ko rup un sonakai un ko wawar koowa, hoi leskro dad o baro Debleske anas, un hoi job o baro Debleske anas, kowa anas lo halauter an o baro Debleskro kheer.

2. Rajengro liil 12:18

An ko tsiro djas o baro rai pral o them Syria, – leskro lab his Hasael – pash o foro Gat un las les peske dren. Un har lo dureder djas, te kurell lo pes o foreha Jerusalem,

2. Rajengro liil 12:19

las o Joash, ko baro rai pral o them Juda, ko tselo kutch koowa, hoi dan leskre phure, kol bare raja, o Josafat, o Joram un o Ahasja, o baro Debleske, ninna kowa, hoi job kokres o Debleske das, un ko tselo sonakai, hoi was hatslo an o baro Debleskro kheer un an o baro rajeskro kheer, un bitchras halauter pash o Hasael, ko baro rajeste pral o them Syria. Kote djas peske o Hasael o forestar Jerusalem krik.

2. Rajengro liil 16:8

Un o Ahas las ko rup un ko sonakai, hoi lo an o baro Debleskro kheer hatsas, un hoi lo an peskro rajeskro kheer hatsas, un bitchras halauter o baro rajeske pral o them Assur, te lell lo les dran leskro wast kamles pash peste.

2. Rajengro liil 18:16

An ko tsiro phagas o Hiskija ninna o sonakai tele i wudjendar an o baro Debleskro kheer, hoi mukas lo glan i tsiro pre te krell, un das les o baro rajestar pral o them Assur.

2. Familjakro liil 16:2

Kote las o Asa rup un sonakai dran o brawlepen an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o baro rajeste pral o them Syria – leskro lab his Ben-Hadad – un mukas leske te penell:

Jesaja 39:2

Un o Hiskija his bachtelo pral i bitchepangre, un sikras lende peskro tselo brawlepen, rup, sonakai, sungepaskro koowa, latcho djet, un ko kheer, kai kol tsele kurepaskre koola dren hi, un leskro tselo kutch koowa. Tchi his an leskro kheer un an leskro them, hoi lo lenge gar sikras.