2. Rajengro liil 17:8 - O Debleskro Drom 2021 (Sinte)

⁸ un kran har pengre bare raja ninna kran, un djiwan pal i laba kol wawar menshendar, kolen o baro Dewel glan lende win tradas.

O Debleskro Lab 2024 (Sinte-Manouche)

⁸ oun kran har pengre bare raya ninna kran, oun djivan pal i laba kol vavar menshendar, kolen o baro Devel glan lende vin tradas.

2. Rajengro liil 17:8 ပူးပေါင်းရင်းမြစ်များ

1. Rajengro liil 12:28

Un o rai Jerobeam djinas pash peste, hoi nai krell lo, un mukas dui sonakangre terne grumjen te krell, un penas ap i menshende: “Tumer Israelitarja, hi doha, kai djan tumer jaake rah an Jerusalem, te mangenn o Debles an. Kate hi tumare debla, kolla anan tumen dran o them Egiptia!”

1. Rajengro liil 21:26

Leskro djungleder koowa his, te nashas lo i mule deblenge palla, jaake har kran kowa i Amorarja, kolen tradas o baro Dewel glan i Israelitarjen krik.

2. Rajengro liil 16:10

Un o baro rai Ahas djas an o foro Damaskus, te dikell lo kote o baro rajes dran o them Assur, o Tiglat-Pileser. Un har lo koi sasterni chatchepaskri dikas, kai an o foro Damaskus tardo hi, kote bitchras o baro rai Ahas peskre bitchepangre pash o rashai Urija un mukas leske te sikrell, har koi chatchepaskri win dikell un har baro koja hi un har li kerdo was.

2. Rajengro liil 16:3

Na-a, job djas ap kol dromma, kai kol bare raja dran o them Israel ninna djan. Ninna mukas lo peskro tchawes an i jag te chatchrell, jaake har kowa kol menshe kran, kai o baro Debles gar prindjrenn un sawo djungelo koowa krenn. Kolen tradas o baro Dewel glan i Israelitarja dran o them win, te nai djiwenn i Israelitarja koi dren.

2. Rajengro liil 17:19

Ninna kolla dran Juda rikran pen gar ap i laba lengro baro Deblestar, na-a, jon djiwan jaake har kol wawar dran Israel ninna djiwan.

2. Rajengro liil 17:40

Jon kaman gar ap leste te shunell, un djiwan jaake har lengre phure djiwan.

2. Rajengro liil 21:2

Un job kras, hoi his tchilatcho glan o baro Debleskre jaka: ko emligo djungelo koowa, har kol wawar menshe kran, kolen o baro Dewel glan o Israel win tradas dran o them.

Debleskri gili 106:35

Na-a, jon romedineran pen kolentsa, kai o Debles gar prindjrenn, un kran sau koowa har jon kran,

2. Mose 23:24

Ma mangenn lengre deblen an! Ma anenn viechen, te chatchrenn len lenge! Ma krenn jaake har kolla, kai an ko them djiwenna! Denn lengre tsele deblen paash, un phagenn kol bare barra, hoi jon lenge pre-tchiwan!

Jeremia 10:2

Kowa penell o baro Dewel: Ma djan i dromma, hoi i menshe an wawar themma djana! Jon darenn glan o sikepen, hoi krenn i momlia ap o bolepen. Tumer hunte darenn kowa gar.

Ezekiel 5:6

I menshe an Jerusalem mukan pen tchi mandar te penell, un shunan gar ap mande. Jon wan tchilatcheder har kol themma, kai trul lende hi. Mire tchatchepaskre laba witsran le pal pende, un djiwan gar jaake har lendar kamom.

Hosea 5:11

O Efrajim las pes glan, te nashell lo i chochene deblenge palla. Doleske well lo kanna tele rikedo. Un leskro tchatchepen well i pirentsa stakedo.

3. Mose 18:3

Ma djiwenn jaake har i Egiptarja, an kolengro them djiwan, witar gar har kolla an o them Kanaan, kote kai tumen anau. Ma djiwenn pal lengro koowa.

3. Mose 26:1

Ma krenn tumen chochene deblen, witar kek figure un pre-tchiddo barra, oder barra an kolende i shero dino hi, te mangenn len an! Me, o baro Dewel, hom tumaro Dewel.

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.

5. Mose 18:9

Te wenn tumer an o them, hoi tumaro baro Dewel tumen dell, palle krenn gar ko djungelo pale-tchiddo koowa, hoi krenn i menshe, kai kote djiwenn.