2. Rajengro liil 17:7 - O Debleskro Drom 2021 (Sinte)

⁷ Kau koowa was ap i Israelende doleske, kai djan jon gar ko drom o baro Deblestar, kai lengro Dewel hi, un len win las dran o them Egiptia, dran o wast o Faraestar, ko rajestar pral o them Egiptia. Un jon mangan wawar deblen an,

O Debleskro Lab 2024 (Sinte-Manouche)

⁷ Kava koova vas ap i Israelende doleske, kay djan yon gar ko drom o baro Deblestar, kay lengro Devel hi, oun len vin las dran o them Egiptia, dran o vast o Faraestar, ko rayestar pral o them Egiptia. Oun yon mangan vavar deblen an,

2. Rajengro liil 17:7 ပူးပေါင်းရင်းမြစ်များ

1. Rajengro liil 11:4

Un jaake was, har o Salomo phuro was, anan les leskre djuwja jaake dur, te nashas lo wawar deblenge pal. Job rikras pes buder gar kokres ap o baro Debleste, kai leskro Dewel hi, har kowa leskro dad, o David kras.

1. Rajengro liil 15:3

Un o Abija kras ko emligo tchilatchepen, hoi leskro dad glan leste kras. Un job rikras pes gar kokres ap peskro baro Debleste, har kowa leskro papo, o David, kras.

2. Rajengro liil 16:2

Biish bersha phuro hi o Ahas, har lo baro rai was; un 16 (deesh-te-shob) bersha his lo baro rai, un djiwas an ko tsiro an o foro Jerusalem. Leskro phuro dad, o David kras, hoi glan peskro baro Debleskre jaka mishto hi. Kowa kras o Ahab gar.

2. Rajengro liil 17:35

Lenge das o baro Dewel peskro lab, te hi lo lengro Dewel un jon leskre menshe. Ap lende penas lo: “Sharenn kek wawar deblen! Ma tchiwenn tumen tele glan lende! Ma mangenn len an! Un anenn lenge kek viechen un kek sungepaskro koowa!

1. Familjakro liil 5:25

Un jon peran tele lengro dadengro Deblestar, un mangan i deblen kol wawar menshendar an, kolen o Dewel glan lende win tradas dran o them.

2. Familjakro liil 36:5

Har was o Jojakim baro rai, his lo 25 (biish-te-pantch) bersh phuro. Un job his 11 (deesh-te-jek) bersh baro rai an o foro Jerusalem. Un job kras, hoi tchilatcho his glan i jaka o baro Deblestar, kai leskro Dewel his.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Debleskri gili 78:12

Glan lengre phurende kras job baro sorelo koowa an o them Egiptia, pash o foro Zoan.

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Jesaja 57:5

Tel hako baro ruk lubrenn tumer trujel, te sharenn i chochene deblen! Un an i tala mank i bare barra marenn tumer lenge tumare tchawen, har te wans le vieche.

Jeremia 10:5

Sawe debla hi tchi wawar har kol figure, hoi i hache ap pengro kotar phub tchiwenn, kai senlepen bares well, te tradenn le i tchirklen krik. Jon nai rakrenn gar, witar gar nai djan le, jaake hunte wenn jon hidjedo. Doleske hunte trashenn tumer lendar gar. Jon nai krenn kekeske tchilatchepen, witar kek latchepen.

Ezekiel 39:24

Jon kran pen pale-tchiddo glan mire jaka, har djan le miro dromestar tele. Doleske mukom len, un dom lenge lengri phagi jaake har mishto his.

Hosea 12:14

O baro Dewel bitchras peskro rakepaskres, te anell lo i Israelitarjen dran o them Egiptia win. Un leskro rakepaskro das jak ap lende.

Hosea 4:12

Mire menshe putchenn pengre deblen un wawar kashta, te penenn jon lenge, hoi te krenn le. Lengre djia nashenn i chochene deblenge palla. Har i lubni mukell peskro romes, nashan le mandar, pengro Deblestar, krik.

Hosea 4:13

Pral ap i berge marenn le viechen pengre chochene deblenge, un ap i tikne berge chatchrenn le lenge sungepaskro koowa, tel i bare un buchle ruka, kai gar jaake tato hi un shukar te beshell. Doleske wenn lengre tcha lubja, un lengre tchawengre romja chochenn pengre romen.

5. Mose 31:29

Me djinau, pal miro merepen dukrenn tumer o baro Debles, un djan ko dromestar tele, hoi tumende sikrom. Tumer krenn, hoi tchilatcho hi glan o baro Debleskre jaka, un mangenn wawar deblen an, un choirenn les koleha. Doleske well bari bibacht pral tumende.”

Čačepangre 6:10

Un me penom tumenge: Me, o baro Dewel, hom tumaro Dewel. Ma mangenn kol deblen an, hoi i Amorarja an-mangenn, an kolengro them tumer djiwenn. Un tumer shunan gar ap mande.’”