2. Rajengro liil 17:35 - O Debleskro Drom 2021 (Sinte)

³⁵ Lenge das o baro Dewel peskro lab, te hi lo lengro Dewel un jon leskre menshe. Ap lende penas lo: “Sharenn kek wawar deblen! Ma tchiwenn tumen tele glan lende! Ma mangenn len an! Un anenn lenge kek viechen un kek sungepaskro koowa!

O Debleskro Lab 2024 (Sinte-Manouche)

³⁵ Lenge das o baro Devel peskro lab, te hi lo lengro Devel oun yon leskre menshe. Ap lende penas lo: “Sharenn kek vavar deblen! Ma čivenn t'men tele glan lende! Ma mangenn len an! Oun anenn lenge kek firhen oun kek soungepaskro koova!

2. Rajengro liil 17:35 ပူးပေါင်းရင်းမြစ်များ

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

2. Mose 20:3

Un tut well kek wawar Dewel har man.

Jeremia 10:5

Sawe debla hi tchi wawar har kol figure, hoi i hache ap pengro kotar phub tchiwenn, kai senlepen bares well, te tradenn le i tchirklen krik. Jon nai rakrenn gar, witar gar nai djan le, jaake hunte wenn jon hidjedo. Doleske hunte trashenn tumer lendar gar. Jon nai krenn kekeske tchilatchepen, witar kek latchepen.

Jeremia 25:6

Ma nashenn wawar deblenge palla, te perenn tele glan lende, te mangenn len an! Ma choirenn man kolentsa, hoi tumare wastentsa kran, te anap kek bibacht pral tumende!”

5. Mose 5:2

Maro baro Dewel djas mentsa i sowel dren pash i berga Horeb.

5. Mose 5:9

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

5. Mose 6:14

Ma dja wawar deblenge palla, kolen i menshe dran i themma trul tumende, an-mangenn.

Josua 23:7

Ma tchiwenn tumen khetne kol wawar menshentsa, kai gomme an kau them djiwenn. Lengre deblen denn gar an-gole! Ma denn tumen sowel pash lende! Ma anenn lenge viechen un wawar koowa! Ma witsrenn tumen tele glan lende!

Čačepangre 6:10

Un me penom tumenge: Me, o baro Dewel, hom tumaro Dewel. Ma mangenn kol deblen an, hoi i Amorarja an-mangenn, an kolengro them tumer djiwenn. Un tumer shunan gar ap mande.’”