2. Rajengro liil 17:29 - O Debleskro Drom 2021 (Sinte)

²⁹ Kol menshe, kai wan dran wawar forja un djiwan kanna an Samaria, jon kran penge pengre deblen an kol forja, kai djiwenn le, un tchiwan len ap i mulne platse an kol khera, hoi i Samaritarja kran.

O Debleskro Lab 2024 (Sinte-Manouche)

²⁹ Kol menshe, kay van dran vavar forya oun djivan kanna an Samaria, yon kran penge pengre deblen an kol forya, kay djivenn le, oun čivan len ap i moulne platse an kol khera, hoy i Samaritarya kran.

2. Rajengro liil 17:29 ပူးပေါင်းရင်းမြစ်များ

1. Rajengro liil 12:31

O Jerobeam kras ninna mulne platse ap o pralstuno them, kai i mule debla an-mangedo wenn, un rodas rashajen win, kai gar Levitarja his.

1. Rajengro liil 13:32

Kowa, hoi job penas, was o baro Deblestar. Un jaake, har job les penas, wella kowa pral koi chatchepaskri an o foro Betel un pral kol tsele platse, kai mangenn le i mule deblen an, hoi hi an i forja an o them Samaria.”

2. Rajengro liil 17:28

Kote djas jek kol rashajendar, kai dran o them Samaria krik anlo was, pale pale, un djiwas an o foro Betel un sikras lenge, har te mangenn le o baro Debles an.

Micha 4:5

Ninna te mangell haki natsjona peskro debles an, mer djiwah kokres maro Debleha – kowa hi o baro Dewel – kanna un hako tsiro.

Remarja 1:23

O baro Debles, kai hako tsiro atchella, sharan le gar. Na-a, jon mangan kol murshen un djuwjen an, kai merenna. Ninna wawar koowa, har i tchirkle, i star-herjengre vieche un i sapa mangan le an.