2. Rajengro liil 16:7 - O Debleskro Drom 2021 (Sinte)

⁷ Un o Ahas bitchras peskre bitchepangre pash o Tiglat-Pileser, ko baro rajeste pral o them Assur, un mukas leske te penell: “Me hom tiro budepaskro un tiro tchawo. Ab pre un le man kate win dran i wasta kol bare rajendar pral i themma Syria un Israel. Kolla djan ap mande pre!”

O Debleskro Lab 2024 (Sinte-Manouche)

⁷ Oun o Ahas bičras peskre bičepangre pash o Tiglat-Pileser, ko baro rayeste pral o them Assour, oun moukas leske te penell: “Me hom tiro boudepaskro oun tiro čavo. Ab pre oun le man kate vin dran i vasta kol bare rayendar pral i themma Syria oun Israel. Kolla djan ap mande pre!”

2. Rajengro liil 16:7 ပူးပေါင်းရင်းမြစ်များ

1. Rajengro liil 20:4

Kote penas o baro rai pral Israel pale pale: “Miro baro rai un pralstuno, jaake har tu peneh, jaake hi. Me hom tiro, un halauter, hoi man hi, hi ninna tiro.”

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

2. Rajengro liil 18:7

O baro Dewel his leha, un halauter hoi lo peske glan las, djas leske mishto. Un job peras tele o baro rajestar pral o them Assur, un mukas koles buder gar peskro rai te well.

1. Familjakro liil 5:26

Kote bitchras o Israeleskro Dewel pral lende o baro rajes dran o them Assur, o Pul, – leskro lab hi ninna Tiglat-Pileser – un job mukas i menshen dran o kheer Ruben un Gad un i paash familja dran o kheer Manasse pandles krik te anell, un anas len an i themma trul i forja Halach un Habor un Hara un pash o lengsto pani Gosan. Kote hi le gomme kau diwes.

2. Familjakro liil 28:16

An ko tsiro peran i Edomarja pale an o them Juda dren, kuran pen i menshentsa koi un lan bud lendar pandles pentsa krik. Jaake bitchras o baro rai Ahas murshen pash o baro rajeste an o them Assur, te well job leske ap i rig.

2. Familjakro liil 28:20

Palle was o baro rai pral o them Assur – leskro lab his Tiglat-Pileser – job was gar o Ahaseske ap i rig – na-a, job kras leske o djipen phares.

Jesaja 2:6

Baro Dewel, tu mukal tire menshen. Jon krenn drawepangro koowa, har kol menshe, kai wenn kotar, kai o kham pre djala. Un jon hi durkepangre har i Filistarja. I menshentsa dran wawar themma krenn le tchomone win, un denn pengro dadeskro wast pre.

Jeremia 13:21

Hoi peneh tu, te kamell o baro Dewel, te wenn kolla rai pral tute, kai an tire jaka tire mala his? I dukatar deh tu gole har i djuwel, kai lell i ternepen.

Jeremia 17:5

O baro Dewel penell: Praassedo well ko mursh, kai mukell man, o baro Debles, un rikrell pes ap i menshende, un putchell lendar, te wenn le ap leskri rig.

Ropaskre gilja 4:17

Pale te pale dikan mare jaka pen trujel pal jekeste, kai menge ap i rig well. Un kek was. Ko them, ap koleste dikam, nai las men gar dran i bibacht win.

Ezekiel 16:28

Tu lal gar doha, un lubral kolentsa dran o them Assur trujel. Un ninna kowa his tuke gar doha.

Ezekiel 23:12

Joi nashas kol kurepangren dran o them Assur palla, kol themeskre rajenge un pralstune lurdenge, rido an raile koola, halauter shukar terne mursha, kai ap graja klissenn.

Ezekiel 23:5

Un an ko tsiro, har his li miro, lubras i Ohola trujel, un nashas wawar murshenge palla. Lakre pirne his kurepangre dran o them Assur,

Hosea 14:3

Lenn kal laba tumentsa, un awenn pale pash o baro Debleste, un penenn leske: Le mari tseli doosh mendar krik, un shun maro mangepen! Palle kamah tut te sharell mare tchipjentsa.

Hosea 7:11

O Efrajim hi har i dineli tauba, kai mukell pes sik te kharell. Ap jek diwes kharell lo i Egiptarjen, te wenn le leske ap i rig, o wawar diwes nashell lo an o them Assur.