2. Rajengro liil 16:14 - O Debleskro Drom 2021 (Sinte)

¹⁴ Un koi chatchepaskri dran lolo saster, kai o baro Debleske vieche chatchedo wan, koi chatchepaskri mukas lo krik te tchiwell, te well li gar mashkral koi newi chatchepaskri un o baro Debleskro kheer tardo, un tchiwas les serwes pash koi newi chatchepaskri.

O Debleskro Lab 2024 (Sinte-Manouche)

¹⁴ Oun koy rhačepaskri dran lolo saster, kay o baro Debleske firhe rhačedo van, koy rhačepaskri moukas lo krik te čivell, te vell li gar mashkral koy nevi rhačepaskri oun o baro Debleskro kheer tardo, oun čivas les serves pash koy nevi rhačepaskri.

2. Rajengro liil 16:14 ပူးပေါင်းရင်းမြစ်များ

2. Rajengro liil 16:11

Un o rashai Urija kras sawi chatchepaskri har les kol bitchepangre sikran, kolen o baro rai Ahas dran Damaskus pash leste bitchras. Un koi chatchepaskri his kerdo, har o baro rai Ahas dran o foro Damaskus pale was.

2. Rajengro liil 16:13

un chatchras kote marede viechen un chapen, un tchoras mool koi win un witsras ko rat koi pre kol marede viechendar, hoi chan le khetne.

2. Rajengro liil 16:15

Un o baro rai Ahas mukas o rashajeske Urija te penell: “Ap koi newi bari chatchepaskri chatche kol viechen, hoi wenn taissarlake chatchedo, un ko chapen, hoi well rati chatchedo, ninna kol viechen un chapen, hoi anell o baro rai, un kol tsele viechen un ko chapen un koi mool, hoi anenn i menshe. Un ko tselo rat i viechendar, kolendar, kai wenn chatchedo un kolendar, kai wenn chalo, ko rat witse ap koi newi chatchepaskri. Koi chatchepaskri dran lolo saster lau mange, te rodap an i viechengre buke, hoi te krap.”

2. Familjakro liil 1:5

Glan o baro Debleskro plachteno kheer an o foro Gibeon his ninna koi chatchepaskri dran lolo saster tardo, hoi o Bezalel kras, koleskro dad o Uri his, un koleskro dad o Hur his. Kote djas o Salomo, un khetne leha i Israelitarja.

2. Familjakro liil 29:19

Ninna kol tsele wawar tchare, pirja un wawar koowa, hoi o Ahas win witsras, har job o baro rai his, un o baro Debleskro dromestar tele djas, kowa halauter anam mer pale, un kram les djudjo, un tchiwam les glan i chatchepaskri.”

2. Familjakro liil 4:1

Un job kras i Debleskri chatchepaskri dran lolo saster. Koja his deesh metarja lengsto un buchlo un pantch metarja fun tel bis pral.

2. Mose 27:1

O Debleskri chatchepaskri kress tu dran o kasht ko rukestar, hoi kharella Akatsia. Pral i tseli chatchepaskri well lolo saster. I chatchepaskri well 2,50 (dui-te-paash) metari lengsto un ninna jaake buchlo, un well 1,50 (jek-te-paash) metari pral. Ap haki pralstuni ekka well i shing win. Kol shinga wenn kerdo dran jek kotar kasht har i chatchepaskri.

2. Mose 40:29

Win glan o khereskro wudar tchiwas lo i sasterni chatchepaskri, un ap leste chatchras lo viechen un chapen o baro Debleske, jaake har job leske penas.

2. Mose 40:6

Glan o Debleskro plachteno kheer tchip i sasterni chatchepaskri, kai i vieche o Debleske chatchedo wenna.

Ezekiel 43:8

Jon kran pengre bare khera langs miro kheer, lengre wudja langs mire wudja, jaake te his jek massuri halauter mank mande un lende. Un jaake anan le ladj ap mande pengro djungelo koweha, hoi le kran. Doleske marom len an miri choli.

Mateo 23:35

Tumer han tchilatcho har tumare phure. Jon maran i latche menshen jaake rah har i phub tardo hi: O latcho mursh Abel was maredo glan i tsele wawar menshende. Pal leste maran le wawar latche menshen bis ap ko tsiro, kai o Zachari maredo was, koleskro dad his o Barachi. O Zachares maran tumer mashkral o Debleskro kheer un i sasterni chatchepaskri, kai i vieche o Debleske chatchedo wenna. Doleske well i phagi ap tumende, kai kanna djiwenna.