2. Rajengro liil 16:12 - O Debleskro Drom 2021 (Sinte)

¹² Un har lo pale was, un koi chatchepaskri dikas, djas lo koi pral,

O Debleskro Lab 2024 (Sinte-Manouche)

¹² Oun har lo pale vas, oun koy rhačepaskri dikas, djas lo koy pral,

2. Rajengro liil 16:12 ပူးပေါင်းရင်းမြစ်များ

1. Rajengro liil 12:33

Ap o 15. (deesh-te-pantchto) diwes an o ochtato tchon – ko tchon, hoi job peske kokres win rodas, – djas o Jerobeam pash koi chatchepaskri, hoi job kras an Betel, un chatchras sungepaskro koowa koi pre, te krell lo kote i festo i Israelenge.

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

2. Rajengro liil 16:11

Un o rashai Urija kras sawi chatchepaskri har les kol bitchepangre sikran, kolen o baro rai Ahas dran Damaskus pash leste bitchras. Un koi chatchepaskri his kerdo, har o baro rai Ahas dran o foro Damaskus pale was.

2. Rajengro liil 16:13

un chatchras kote marede viechen un chapen, un tchoras mool koi win un witsras ko rat koi pre kol marede viechendar, hoi chan le khetne.

2. Familjakro liil 28:23

Job chatchras viechen glan i chochene debla dran o foro Damaskus, ninna te dan i lurde dran Damaskus leskre lurden khetne. Job penas: “Kal debla wan i bare rajenge pral o them Syria ap i rig; doleske anau len viechen, te wenn le mange ninna ap i rig.” Kolla anan les un i tsele menshen an leskro them an i bari bibacht.

2. Familjakro liil 28:25

Ninna an hako wawar foro an o them Juda mukas lo mulne platse te krell, te well sungepaskro koowa i chochene deblenge chatchedo. Un jaake kras lo, te was o baro Dewel, ko Dewel leskre phurendar, chojedo.