2. Rajengro liil 16:11 - O Debleskro Drom 2021 (Sinte)

¹¹ Un o rashai Urija kras sawi chatchepaskri har les kol bitchepangre sikran, kolen o baro rai Ahas dran Damaskus pash leste bitchras. Un koi chatchepaskri his kerdo, har o baro rai Ahas dran o foro Damaskus pale was.

O Debleskro Lab 2024 (Sinte-Manouche)

¹¹ Oun o rashay Ouriya kras savi rhačepaskri har les kol bičepangre sikran, kolen o baro ray Ahas dran Damaskus pash leste bičras. Oun koy rhačepaskri his kerdo, har o baro ray Ahas dran o foro Damaskus pale vas.

2. Rajengro liil 16:11 ပူးပေါင်းရင်းမြစ်များ

2. Rajengro liil 16:10

Un o baro rai Ahas djas an o foro Damaskus, te dikell lo kote o baro rajes dran o them Assur, o Tiglat-Pileser. Un har lo koi sasterni chatchepaskri dikas, kai an o foro Damaskus tardo hi, kote bitchras o baro rai Ahas peskre bitchepangre pash o rashai Urija un mukas leske te sikrell, har koi chatchepaskri win dikell un har baro koja hi un har li kerdo was.

2. Rajengro liil 16:12

Un har lo pale was, un koi chatchepaskri dikas, djas lo koi pral,

2. Rajengro liil 16:14

Un koi chatchepaskri dran lolo saster, kai o baro Debleske vieche chatchedo wan, koi chatchepaskri mukas lo krik te tchiwell, te well li gar mashkral koi newi chatchepaskri un o baro Debleskro kheer tardo, un tchiwas les serwes pash koi newi chatchepaskri.

2. Rajengro liil 16:16

Un o rashai Urija kras halauter, hoi leske o baro rai Ahas penas.

2. Rajengro liil 21:4

Un an o baro Debleskro kheer tchiwas job chatchepangre pre i mule deblenge, kote, kai o baro Dewel penas: “An o foro Jerusalem kamau te mangenn le man an.”

2. Rajengro liil 21:7

Un job anas koi kashteni debletsa Ashera, hoi lestar kerdo was, an o Debleskro kheer, kolestar o baro Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

2. Familjakro liil 33:4

Un an o baro Debleskro kheer tchiwas job chatchepangre pre i mule deblenge, kote, kai o baro Dewel penas: “An o foro Jerusalem kamau te mangenn le man an hako tsireske.”

Jesaja 8:2

Un me lom mange dui murshen, kai mursha o labestar hi, un sikrom lende kol laba, hoi tchinom. Kolla his o rashai Urija un o Secharja, koleskro dad o Jeberechja his.

Jeremia 23:11

O baro Dewel penell: Mire rakepangre shunenn gar ap mande, witar gar mire rashaja. Lengro tchilatcho koowa hatsau ninna an miro kheer.

Ezekiel 22:26

Tire rashaja rissrenn mire laba trujel. Un krenn kowa pale-tchiddo, hoi mange hi. Kowa, hoi mange dino was, hi lenge gar budeder moldo har hako wawar koowa. I wawar menshenge sikrenn le gar, hoi pale-tchiddo un hoi gar pale-tchiddo hi. Un jon pandenn pengre jaka, te wenn o Debleskre diwessa gar dren rikedo. Jaake krenn le, te wap me buder gar sharedo.

Daniel 3:7

Un kol tsele menshe, kai khetne wan dran hako them un dran hako rakepen, shunan o phurdepaskro bashepen un o bashepen ap kol dorjengre bashepangre un ko tselo wawar bashepen. Koi witsran le pen tele ap i phub glan koi sonakaskri figura, hoi mukas o baro rai Nebukadnezar pre te tchiwell.

Hosea 4:6

Mire menshe prindjrenn o tchatcho drom gar. Doleske djan le tele. Tumer kaman lenge gar miro drom te sikrell. Doleske kamau me tumendar witar tchi te djinell. Tumer han buder gar mire rashaja. Tumer bistran miro drom. Doleske bistrau tumare tchawen.

Hosea 5:11

O Efrajim las pes glan, te nashell lo i chochene deblenge palla. Doleske well lo kanna tele rikedo. Un leskro tchatchepen well i pirentsa stakedo.

Galatarja 1:10

Penenn mange, rakrau me kanna jaake, har kamenn i menshe kowa te shunell? Na-a! Me rakrau jaake, har o Dewel kowa kamella. Me kamau gar, te sharenn man i menshe. Te wals kowa jaake, woms gar o Jesus Kristeskro budepaskro.