2. Rajengro liil 15:37 - O Debleskro Drom 2021 (Sinte)

³⁷ An kol diwessa bitchras o baro Dewel o ersto kopo ko baro rajes pral o them Syria – leskro lab hi Rezin – an o them Juda, ninna o Pekaches, koleskro dad o Remalja his.

O Debleskro Lab 2024 (Sinte-Manouche)

³⁷ An kol divessa bičras o baro Devel o ersto kopo ko baro rayes pral o them Syria – leskro lab hi Rezin – an o them Youda, Ninna bičras lo kote o baro rayes pral Israel, o Peka, koleskro dad o Remalya his.

2. Rajengro liil 15:37 ပူးပေါင်းရင်းမြစ်များ

2. Rajengro liil 10:32

An ko tsiro, kai o Jehu baro rai his, tchinas o baro Dewel kotja dran o Israeleskro them win: O baro rai Hasael dran o them Syria las len ko them krik, hoi tchatches o panjestar Jordan hi, bis pash o foro Aroer pash o pani Arnon. Kowa his o them Gilead un o them Bashan. Kote djiwan i menshe dran i bare familje Gad, Ruben un Manasse.

2. Rajengro liil 15:27

Har o Asarja an o 52. (pantch-deesh-te-duito) bersh o baro rai pral o them Juda his, was o Pekach, koleskro dad o Remalja his, baro rai pral o them Israel. Biish bersha his lo baro rai un djiwas an ko tsiro an o foro Samaria.

2. Rajengro liil 15:36

Ko tselo wawar koowa, hoi pral o Jotam penepaske hi, un halauter, hoi lo kras, kowa hi tchinlo an i familjakro liil i bare rajendar pral o them Juda.

2. Rajengro liil 15:38

Un o Jotam meras un was paskedo pash peskre phurende an o Davideskro foro. Un leskro tchawo, o Ahas, was baro rai pal leste.

2. Rajengro liil 16:5

An ko tsiro djas o Rezin, ko baro rai dran o them Syria, un o Pekach, koleskro dad o Remalja his, ko baro rai dran o them Israel, pral an o them Juda, te kurenn le pen o foreha Jerusalem. Un jon tchiwan pengre kurepangre trul o foro Jerusalem. Jon nai lan ko foro gar dren.

2. Familjakro liil 28:6

O Israelengro baro rai – leskro lab his Pekach, leskro dad his o Remalja – job peskre lurdentsa maras ap jek diwes 120.000 (sheel-te-biish-serja) kurepangre an o them Juda. Kowa his i phagi doleske, kai mukan jon o baro Debles, ko Dewel lengre phurendar.

Debleskri gili 78:49

Jaake bitchras o Dewel peskri bari choli ap i Egiptarja. Leskri choli his har i jag, hoi chatchras, un i bari phagi pral lende anas. I bibacht tapras len har te wals lat bitchedo i bolepangrendar, kai anenn o merepen.

Jesaja 7:1

Un i kurepen was an ko tsiro, har o baro rai pral o them Juda o Ahas his, koleskro dad o Jotam his, un koleskro dad o Usija his. O baro rai pral Syria, o Rezin, un o baro rai pral Israel, o Pekach, koleskro dad o Remalja his, wan pash o foro Jerusalem, te kurenn le pen o foreha. Jon nai lan les gar dren.

Jesaja 7:8

O foro Damaskus hi o shero o themestar Syria, un o Rezin hi o baro rai kokres pral Damaskus. Un o foro Samaria hi o shero o themestar Efrajim, un o Pekach hi o baro rai kokres pral Samaria. Un an 65 (shob-deesh-te-pantch) bersha dell buder kek them Efrajim. Un te patsenn tumer kawa gar, palle atchenn tumer gar!”

Jeremia 16:16

Me kamau bud matchepangren win bitchrell. Kolla hunte matchrenn len. Pal kowa bitchrau bud jegarjen win, te taprenn jon len, kai jon ninna hi: ap haki bari un tikni berga, un mank kol bare barra, kai khatran le pen.

Jeremia 25:29

Shunenn, ko foro, hoi pal mande kharedo hi, hi kowa, kai anau i bibacht glanstunes ap leste. Patsenn tumer, kai lenn gar tumari phagi? Na-a! Tumer ninna lenn tumari phagi. Me bitchrau o kurepen pral halauterende, kai djiwenn ap kai phub. Kowa penell o baro Dewel, ko rai pral o bolepen un i phub.

Jeremia 43:10

Un pen ap lende: Kawa penell o baro Dewel, ko rai pral o bolepen un i phub, kai o Israeleskro Dewel hi: Shunenn, me dau o Nebukadnezares kate gole. Job, ko baro rai dran o them Babilonia, krell miri budi. Pral ap kal barra, hoi mukom an i phub te tchiwell, mukau leskro shukar plachteno kheer pre te tchiwell, kai lo beshdo hi un sikrell, kai job o baro rai hi.

Louka 21:28

Te dikenn tumer, har kowa lauter wella, awenn soreles un trashenn gar! I tsiro hi palle koi, kai o Dewel lell tumen dran o tchilatchepen un dran o merepen win.”

5. Mose 28:48

Doleske bitchrell o baro Dewel wawar menshen pral tumende, kai kamenn tumen tele te rikrell. Un tumer hunte budrenn lenge, un bokenn un trushenn koi pashel. Tumen well gar doha an-ripaske, tchitchestar well tumen doha. O baro Dewel rikrell tumen jaake tele, har te wals i sasterni gustri trul tumari meen, bis te tumer mulo han.

1. Samuel 3:12

Ap ko diwes kamau me lauter pral o Eli un leskro kheer te anell, hoi me pral leste rakrom, bis te lauter jaake was, har me penom.