2. Rajengro liil 15:30 - O Debleskro Drom 2021 (Sinte)

³⁰ Un o Hoshea, koleskro dad o Ela his, tchiwas pes wawarentsa khetne un das o Pekaches, koleskro dad o Remalja his, mulo un was baro rai pal leste. Kowa djas, har o Jotam, koleskro dad o Usija his, an o biishto bersh o baro rai pral o them Juda his.

O Debleskro Lab 2024 (Sinte-Manouche)

³⁰ Oun o Hoshea, koleskro dad o Ela his, čivas pes vavarentsa khetne oun das o baro rayes, o Peka, moulo. Koleskro dad his o Remalya. Oun o Hoshea vas baro ray pal leste. Kova djas, har o Yotam, koleskro dad o Usiya his, an o biishto bersh o baro ray pral o them Youda his.

2. Rajengro liil 15:30 ပူးပေါင်းရင်းမြစ်များ

2. Rajengro liil 15:10

O Shallum, koleskro dad o Jabesh his, tchiwas pes wawarentsa khetne, un das o Secharjes mulo un was baro rai pal leste.

2. Rajengro liil 15:25

Un jek leskre pralstune lurdendar, o Pekach, – leskro dad his o Remalja – tchiwas pes wawarentsa khetne. Un pash leste his i paash-sheel lurde dran Gilead. Un job das o Pekachjes mulo an o turmo pash peskro kheer an o foro Samaria. Un o Argob un o Arje meran kote ninna. Un o Pekach was o baro rai pal leste.

2. Rajengro liil 15:29

An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

2. Rajengro liil 15:31

Ko tselo wawar koowa, hoi pral o Pekach penepaske hi, un halauter, hoi lo kras, kowa hi tchinlo an i familjakro liil i bare rajendar pral o them Israel.

2. Rajengro liil 16:1

Har o Pekach, koleskro dad o Remalja his, an o 17. (deesh-te-eftato) bersh baro rai pral Israel his, was o Ahas o baro rai pral o them Juda. Leskro dad his o Jotam.

2. Rajengro liil 17:1

Har o Ahas an o 12. (deesh-te-duito) bersh baro rai pral o them Juda his, was o Hoshea, koleskro dad o Ela his, baro rai pral o them Israel. Job his enja bersha baro rai an o foro Samaria.

2. Familjakro liil 28:16

An ko tsiro peran i Edomarja pale an o them Juda dren, kuran pen i menshentsa koi un lan bud lendar pandles pentsa krik. Jaake bitchras o baro rai Ahas murshen pash o baro rajeste an o them Assur, te well job leske ap i rig.

Jesaja 7:16

Glan te was ko tsiro, kai djinell lo kowa, well ko them muklo tchiddo, glan koleskre dui bare rajende tut sawi bari daar hi.

Jesaja 8:6

An i jaka kal menshendar hi o tikno pani Siloah tchi moldo, hoi nashell lokes an Jerusalem. Un kol dui raja, o Rezin un o Pekach, wenn lenge jaake sorelo glan, te trissenn le i darjatar.

Hosea 10:15

Jaake djal tumenge an o foro Betel ninna. Kowa well dran tumaro baro tchilatchepen! Te djal o kham pre ap ko diwes, hi trujel o baro rajeske dran Israel.

Hosea 10:3

Palle hunte penenn le: “Mer shunam gar ap o baro Debleste, doleske hi men kanna buder kek baro rai. Ninna te wals men jek baro rai, nai krals lo buder tchi menge!”

Hosea 10:7

O rai pral o foro Samaria hi buder gar koi, har i patri ap o pani was lo krik hidjedo.