2. Rajengro liil 15:29 - O Debleskro Drom 2021 (Sinte)

²⁹ An ko tsiro, har o Pekach ko baro rai pral o them Israel his, was o Tiglat-Pileser, ko baro rai pral o them Assur, un peras an o them Israel dren un las peske kol forja Ijon, Abel-Bet-Maacha, Janoach, Kedesh, Hazor, Gilead un dran o them Galilea ko tselo them Naftali. Un mukas kol menshen, kai kote djiwenn, krik te anell an o them Assur.

O Debleskro Lab 2024 (Sinte-Manouche)

²⁹ An ko tsiro, har o Peka ko baro ray pral o them Israel his, vas o Tiglat-Pileser, ko baro ray pral o them Assour, oun peras an o them Israel dren oun las peske kol forya Iyon, Abel-Bet-Maaka, Yanoa, Kedesh, Hazor, Gilead oun dran o them Galilea ko tselo them Naftali. Oun moukas kol menshen, kay kote djivenn, krik te anell an o them Assour.

2. Rajengro liil 15:29 ပူးပေါင်းရင်းမြစ်များ

1. Rajengro liil 14:15

Un o baro Dewel dell i menshende Israel dawa, te trissenn le, har trissell i shilftikro khass an o pani. Un o baro Dewel tserdell i Israelitarjen win dran kau latcho them, hoi das job lengre phurende. Un i Israelitarja wenn tradedo ap i wawar rig o panjestar Eufrat. Jon choiran o baro Debles, har kran le penge sawe figure, hoi sikrenn i debletsa Ashera.

1. Rajengro liil 15:20

Kote shunas o Ben-Hadad ap o baro rajeste Asa, bitchras peskre lurden pengre pralstunentsa, te kurenn le pen i forjentsa an o them Israel. Un jon lan kol forja Ijon, Dan un Abel-Bet-Maacha dren, koi pashel o tselo them Kinneret un o tselo them Naftali.

1. Rajengro liil 9:11

Un o Hiram, ko rai pral o foro Tirus, das o Salomeste ko tselo zedertikro kasht un zipresstikro kasht un jaake bud sonakai, har o Salomo lestar kamas. Har kol dui khera kerdo his, das o Salomo o Hirameste biish forja an o them Galilea.

2. Rajengro liil 15:19

Un o baro rai pral o them Assur, – leskro lab his Pul – was an o them. Un o Menahem das les jek sero zentnarja rup, te rikrell pes lo leha, un te mukell lo les baro rai te atchell.

2. Rajengro liil 15:20

Ko rup las o Menahem jaake khetne, te tchiwas lo i sijaan ap hako brawelo mursheste an o them Israel. Hakeno lendar hunte plaissras i paash-sheel rupene lowe. Har o baro rai pral Assur kol lowe las, djas lo pale khere peskre lurdentsa, un atchas gar an o them.

2. Rajengro liil 15:28

Un job kras, hoi glan o baro Debleskre jaka djungeles his. Un mukas gar ko tchilatcho drom, hoi o Jerobeam djas, koleskro dad o Nebat his. O Jerobeam anas o Israel o Debleskro dromestar tele un kras te mangan le wawar deblen an.

2. Rajengro liil 15:30

Un o Hoshea, koleskro dad o Ela his, tchiwas pes wawarentsa khetne un das o Pekaches, koleskro dad o Remalja his, mulo un was baro rai pal leste. Kowa djas, har o Jotam, koleskro dad o Usija his, an o biishto bersh o baro rai pral o them Juda his.

2. Rajengro liil 16:10

Un o baro rai Ahas djas an o foro Damaskus, te dikell lo kote o baro rajes dran o them Assur, o Tiglat-Pileser. Un har lo koi sasterni chatchepaskri dikas, kai an o foro Damaskus tardo hi, kote bitchras o baro rai Ahas peskre bitchepangre pash o rashai Urija un mukas leske te sikrell, har koi chatchepaskri win dikell un har baro koja hi un har li kerdo was.

2. Rajengro liil 16:7

Un o Ahas bitchras peskre bitchepangre pash o Tiglat-Pileser, ko baro rajeste pral o them Assur, un mukas leske te penell: “Me hom tiro budepaskro un tiro tchawo. Ab pre un le man kate win dran i wasta kol bare rajendar pral i themma Syria un Israel. Kolla djan ap mande pre!”

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

2. Rajengro liil 17:23

Kowa djas jaake rah, bis te o baro Dewel i Israelitarjen glan peste krik tradas, un was jaake har leskre budepangre glan-wi penan, kolla, kai leskre rakepangre his. Jaake wan i Israelitarja dran o them Israel pandles krik anlo an o them Assur. Kote hi le gomme kau diwes.

2. Rajengro liil 17:6

Un har o Hoshea an o enjato bersh baro rai his, las o baro rai pral o them Assur o foro Samaria dren, un anas i menshen dran Israel pandles krik an o them Assur, un mukas len te djiwell an o them Halach un pash o lengsto pani Habor an o them Gosan, un an i forja, kai i Medarja djiwan.

2. Rajengro liil 18:11

Un o baro rai pral o them Assur mukas i menshen dran Israel krik te anell an o them Assur, un mukas len te djiwell an o them Halach un pash o pani Habor an o them Gosan, un an i forja, kai i Medarja djiwenn.

2. Rajengro liil 19:11

Tu djineh, hoi i bare raja dran o them Assur an i tsele themma kran, har le halauteren maran, un tu patseh, te wess kokres win lino dran o merepen?

2. Rajengro liil 8:11

Un o Debleskro mursh dikas bare jakentsa i rah tsiro ap leste, bis te ladjas lo pes. Palle rowas o Debleskro mursh.

1. Familjakro liil 5:22

Ninna atchan bud maredes tchiddo. Kau kurepen was o Deblestar. Un i Israelitarja djiwan an lengro them ap lengri phub bis te wan le pandles krik anlo.

1. Familjakro liil 5:26

Kote bitchras o Israeleskro Dewel pral lende o baro rajes dran o them Assur, o Pul, – leskro lab hi ninna Tiglat-Pileser – un job mukas i menshen dran o kheer Ruben un Gad un i paash familja dran o kheer Manasse pandles krik te anell, un anas len an i themma trul i forja Halach un Habor un Hara un pash o lengsto pani Gosan. Kote hi le gomme kau diwes.

1. Familjakro liil 5:6

koleskro tchawo his o Beera. Koles anas o Tiglat-Pileser, o baro rai pral o them Assur, pandles an leskro them. Ap ko tsiro his lo o pralstuno pral o kheer Ruben.

2. Familjakro liil 16:4

Kote shunas o Ben-Hadad ap o baro rajeste Asa, bitchras peskre lurden pengre pralstunentsa, te kurenn le pen i forjentsa an o them Israel. Un jon lan kol forja Ijon, Dan un Abel-Majim dren, ninna i tsele forja, kai djobengre khera dren hi an o them Naftali.

Nehemia 9:32

Maro Dewel, har baro hal tu, jaake sorelo, te daras mer tutar. Tu pandal tiro dji ap mende, un rikreh tiro lab, hoi dal tut sowel. Kanna mangah tut, ma biste koi tseli bibacht, hoi pral mende was, pral mare bare rajende un mare pralstunende, pral i rashajende un o Debleskre rakepangre, pral mare phurende un men lauterende, an ko tselo tsiro, har wan i bare raja dran o them Assur pral mende bis ap kau diwes.

Jesaja 1:7

Tumaro them hi i mulo them, tumare forja wan tele chatchedo. Glan tumare jaka chan i wi-themarja kowa, hoi ap tumari phub bares was. Lauter hi mulo un paash, har te perans i diwje koi pral.

Jesaja 37:18

Tchatcho hi, baro Dewel, kai stakran i raja pral o them Assur i tsele themma khetne.

Jesaja 7:16

Glan te was ko tsiro, kai djinell lo kowa, well ko them muklo tchiddo, glan koleskre dui bare rajende tut sawi bari daar hi.

Jesaja 7:20

An ko tsiro bitchrell o Dewel o baro rajes dran o them Assur. I wawar rigjatar o panjestar Eufrat kharell lo les kai, te well lo har i tchuri, hoi tchinell tumare balla tele ap o shero un ap i herja. Un ninna i tchora tchinell lo tele.

Ezekiel 23:9

Doleske dom lat an i wasta kol murshendar dran o them Assur, kai lakre pirne his, un kolenge joi palla nashas.

3. Mose 26:32

Me krau te well tumaro them i mulo them. Un kolla, kai kuran pen tumentsa, un wenn, te djiwenn le koi, lenge atchell o rakepen krik, te dikenn le kowa.

Amos 1:13

O baro Dewel penell: I menshe an o them Ammon kran pale te pale djungelo koowa. Har kuran le pen an o kurepen, te lenn le i bareder them, tchinan le djuwjen pre, kai wawartchandes his an o them Gilead. Doleske lenn le pengri phagi, un khaitenn man gar.

Amos 1:3

O baro Dewel penell: I menshe an o foro Damaskus kran pale te pale djungelo koowa. Baro tchilatcho koowa kran le ap i menshende an Gilead. Doleske lenn le pengri phagi, un khaitenn man gar.

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Amos 6:14

“Doleske”, penell o baro Dewel, ko rai pral o bolepen un i phub, “bitchrau i natsjona, hoi djal ap tumende, kai han dran o kheer Israel. Kolla menshe lenn tumaro them dren fun Lebo-Hamat bis pash o lengsto pani an o telstuno them.”

4. Mose 32:1

I menshen dran o kheer Ruben un dran o kheer Gad his bud vieche. Un jon dikan, te hi latcho senlepen i viechenge an ko them Jaser un Gilead.

4. Mose 32:40

Koi das o Mose ko murshes Machir ko them Gilead, un job djiwas koi.

5. Mose 28:25

O baro Dewel krell, te wenn kolla sorleder har tumer, kai kurenn pen tumentsa. Ap jek drom djan tumer ap lende pre, un ap hake rigja hunte nashenn tumenge lendar. Un i menshenge an hake themma ap i phub atchell o rakepen krik i trashatar, te dikenn le, har tumenge djala.

5. Mose 3:15

O them Gilead dom me o mursheste Machir dran i familja Manasse.

Josua 11:1

Un har o baro rai pral o foro Hazor, o Jabin, kowa shunas, bitchras lo murshen pash bud bare rajende, te mangenn le lendar, te djan le leha an o kurepen: o Jobab, ko baro rai pral o foro Madon, o baro rai pral o foro Shimron, o baro rai pral o foro Achshaf,

Josua 11:10

Palle rissras o Josua trujel un las o foro Hazor dren. Un leskro rajes das lo o chareha mulo. O foro Hazor his an ko tsiro o bareder foro mank kol wawar forja an ko them.

Josua 11:13

Kal forja his tardo ap tikne berge, un i Israelitarja chatchran len gar pre. O foro Hazor kokres chatchras o Josua pre.

Josua 12:19

Madon, Hazor,

Josua 16:6

un dureder bis pash o Baro Pani. O foro Michmetat his kote tchiddo, kai norden hi. Kotar djas o drom dureder kote, kai o kham pre djal, bis pash o foro Taanat-Shilo un dureder pash o foro Janoach.

Josua 19:35

Un an o them Naftali his kal sorele forja: Ziddim, Zer, Hammat, Rakkat, Kinneret,

Josua 19:37

Kedesh, Edrei, En-Hazor,

Josua 20:7

Un i mursha dran Israel rodan kal forja win, te wenn le naashepangre forja: o foro Kedesh an o them Galilea ap i berga Naftali; o foro Sichem an o them Efrajim; un o foro Kirjat-Arba, hoi hi kanna Hebron, ap i berge Juda.

Čačepangre 18:30

Un i Danarja tchiwan penge koi figura dran kasht un rup pre. Un lengro rashai his o Jonatan. Koleskro phuro dad his o Moseskro tchawo, o Gershon. O Jonatan un leskre tchawe his lengre rashaja bis ap ko diwes kai le pandlo krik lino wan.

Čačepangre 4:2

Un o baro Dewel das len an o wast o baro rajestar Jabin. Kowa his o baro rai pral o them Kanaan un djiwas an o foro Hazor. Un leskro pralstuno lurdo kharas Sisera. Un kowa djiwas an o foro Haroshet-Gojim.