2. Rajengro liil 15:27 - O Debleskro Drom 2021 (Sinte)

²⁷ Har o Asarja an o 52. (pantch-deesh-te-duito) bersh o baro rai pral o them Juda his, was o Pekach, koleskro dad o Remalja his, baro rai pral o them Israel. Biish bersha his lo baro rai un djiwas an ko tsiro an o foro Samaria.

O Debleskro Lab 2024 (Sinte-Manouche)

²⁷ Har o Asarya an o 52. (panč-deesh-te-douyto) bersh o baro ray pral o them Youda his, vas o Peka, koleskro dad o Remalya his, baro ray pral o them Israel. Biish bersha his lo baro ray oun djivas an ko tsiro an o foro Samaria.

2. Rajengro liil 15:27 ပူးပေါင်းရင်းမြစ်များ

2. Rajengro liil 15:1

Har o Jerobeam an o 27. (biish-te-eftato) bersh baro rai pral o them Israel his, was o Asarja baro rai pral o them Juda. Leskro dad his o Amazja.

2. Rajengro liil 15:13

O Shallum, koleskro dad o Jabesh his, was baro rai pral Israel, har o Usija an o 39. (trijanda-te-enjato) bersh baro rai pral o them Juda his. Un o Shallum his jek tchon baro rai an o foro Samaria.

2. Rajengro liil 15:2

16 (deesh-te-shob) bersha his lo phuro, har lo baro rai was. Un 52 (pantch-deesh-te-dui) bersha his lo baro rai. An kau tsiro djiwas lo an o foro Jerusalem. Leskri dai kharas Jekolja, un his dran o foro Jerusalem.

2. Rajengro liil 15:23

Har o Asarja an o 15. (deesh-te-pantchto) bersh o baro rai pral o them Juda his, was o Pekachja, baro rai pral o them Israel. Leskro dad his o Menahem. Un o Pekachja his dui bersha baro rai an o foro Samaria.

2. Rajengro liil 15:25

Un jek leskre pralstune lurdendar, o Pekach, – leskro dad his o Remalja – tchiwas pes wawarentsa khetne. Un pash leste his i paash-sheel lurde dran Gilead. Un job das o Pekachjes mulo an o turmo pash peskro kheer an o foro Samaria. Un o Argob un o Arje meran kote ninna. Un o Pekach was o baro rai pal leste.

2. Rajengro liil 15:26

Ko tselo wawar koowa, hoi pral o Pekachja penepaske hi, un halauter, hoi lo kras, kowa hi tchinlo an i familjakro liil i bare rajendar pral o them Israel.

2. Rajengro liil 15:28

Un job kras, hoi glan o baro Debleskre jaka djungeles his. Un mukas gar ko tchilatcho drom, hoi o Jerobeam djas, koleskro dad o Nebat his. O Jerobeam anas o Israel o Debleskro dromestar tele un kras te mangan le wawar deblen an.

2. Rajengro liil 15:37

An kol diwessa bitchras o baro Dewel o ersto kopo ko baro rajes pral o them Syria – leskro lab hi Rezin – an o them Juda, ninna o Pekaches, koleskro dad o Remalja his.

2. Rajengro liil 15:8

Har his o Asarja an o 38. (trijanda-te-ochtato) bersh o baro rai pral o them Juda, was o Secharja, koleskro dad o Jerobeam his, baro rai pral o them Israel. Shob tchonna his lo baro rai un djiwas an ko tsiro an o foro Samaria.

2. Familjakro liil 28:6

O Israelengro baro rai – leskro lab his Pekach, leskro dad his o Remalja – job peskre lurdentsa maras ap jek diwes 120.000 (sheel-te-biish-serja) kurepangre an o them Juda. Kowa his i phagi doleske, kai mukan jon o baro Debles, ko Dewel lengre phurendar.

Jesaja 7:1

Un i kurepen was an ko tsiro, har o baro rai pral o them Juda o Ahas his, koleskro dad o Jotam his, un koleskro dad o Usija his. O baro rai pral Syria, o Rezin, un o baro rai pral Israel, o Pekach, koleskro dad o Remalja his, wan pash o foro Jerusalem, te kurenn le pen o foreha. Jon nai lan les gar dren.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.