2. Rajengro liil 14:28 - O Debleskro Drom 2021 (Sinte)

²⁸ Ko tselo wawar koowa, hoi pral o Jerobeam penepaske hi, lauter, hoi lo kras un leskro baro koowa un kurepen, un har lo Damaskus un Hamat pale pash Israel anas, kowa hi tchinlo an i familjakro liil i bare rajendar pral o Israel.

O Debleskro Lab 2024 (Sinte-Manouche)

²⁸ Ko tselo vavar koova, hoy pral o Yerobeam penepaske hi, lauter, hoy lo kras oun leskro baro koova oun kourepen, oun har lo Damaskus oun Hamat pale pash Israel anas, kova hi činlo an i familyakro liil i bare rayendar pral o Israel.

2. Rajengro liil 14:28 ပူးပေါင်းရင်းမြစ်များ

2. Samuel 8:6

Un job tchiwas moskre dren an lengro them. Un o Davides was penepaske pral i Syrarja, un jon hunte dan les rup un sonakai. Jaake his o baro Dewel o Davideske ap i rig, kai lo ninna djas.

1. Rajengro liil 11:24

Un o Reson las kurepangren trul peste un was lengro pralstuno. Kowa his an ko tsiro, har o David i Syrarja maras. Un o Reson peskre lurdentsa djas an o foro Damaskus. Un jon djiwan kote, un his i raja pral Damaskus.

1. Rajengro liil 14:19

Ko tselo wawar koowa, hoi pral o Jerobeam penepaske hi, leskro kurepen un har lo baro rai his, kowa hi tchinlo an i familjakro liil i bare rajendar pral o Israel.

2. Rajengro liil 1:18

Ko wawar koowa, hoi o Ahasja lauter kras, kowa hi tchinlo an i familjakro liil i bare rajendar pral o Israel.

2. Rajengro liil 14:16

Un o Joash meras un was paskedo an o foro Samaria pash peskre phurende, kol bare rajende pral o them Israel. Un leskro tchawo, o Jerobeam, was baro rai pal leste.

2. Rajengro liil 14:29

Un o Jerobeam meras, un was paskedo pash peskre phurende, kol bare rajende pral o them Israel. Un leskro tchawo, o Secharja, was baro rai pal leste.

1. Familjakro liil 5:17

An ko tsiro, kai o Jotam o rai pral o them Juda his, un o Jerobeam o rai pral o them Israel his, wan i laba kal tsele murshendar pre-tchinlo an o familjakro liil.

Amos 1:5

Me phagau i bare wudja o forestar Damaskus paash, un mukau i rajen dran Bikat-Awen un Bet-Eden mulo te dell. Un i menshe dran o them Syria wenn pandles krik anlo an o them Kir. Ko penell o baro Dewel.