2. Rajengro liil 14:25 - O Debleskro Drom 2021 (Sinte)

²⁵ O Jerobeam las kol themeskre kotja pale dren, hoi wawar lenge krik lan, jaake te was o them Israel pale khetne, ko forestar Hamat bis pash o Londo Baro Pani. Jaake was tchatcho, hoi penas o baro Dewel, o Israeleskro Dewel, ap peskro budepaskro, o Jona, koleskro dad o Amitai his, dran o foro Gat-Hefer. Un o Jona, ko Debleskro rakepaskro, penas kowa i Israelenge dureder.

O Debleskro Lab 2024 (Sinte-Manouche)

²⁵ O Yerobeam las kol themeskre kotya pale dren, hoy vavar lenge krik lan, yaake te vas o them Israel pale khetne, ko forestar Hamat bis pash o Londo Baro Pani. Yaake vas čačo, hoy penas o baro Devel, o Israeleskro Devel, ap peskro boudepaskro, o Yona, koleskro dad o Amitay his, dran o foro Gat-Hefer. Oun o Yona, ko Debleskro rakepaskro, penas kova i Israelenge doureder.

2. Rajengro liil 14:25 ပူးပေါင်းရင်းမြစ်များ

1. Mose 14:3

Kol pantch raja kran win, te rikrenn jon khetne un wan an i tala Siddim. Kowa hi kanna o Londo Baro Pani.

1. Rajengro liil 8:65

Un ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia. Efta diwessa his le khetne glan maro baro Debleste, un koi pal pale efta diwessa. Kolla his khetne deesh-te-star diwessa.

2. Rajengro liil 10:32

An ko tsiro, kai o Jehu baro rai his, tchinas o baro Dewel kotja dran o Israeleskro them win: O baro rai Hasael dran o them Syria las len ko them krik, hoi tchatches o panjestar Jordan hi, bis pash o foro Aroer pash o pani Arnon. Kowa his o them Gilead un o them Bashan. Kote djiwan i menshe dran i bare familje Gad, Ruben un Manasse.

2. Rajengro liil 13:25

O Joash las kol forja an o kurepen pale pale dran o wast o baro rajestar Ben-Hadad, koleskro dad o Hasael his, – kol forja, kai o Hasael an o kurepen o Joasheskro dadestar Joahas krik las. Triin kope das les o Joash un las jaake kol Israeleskre forja pale pale.

2. Rajengro liil 13:5

Un o baro Dewel bitchras i Israelenge jekes, kai len win las dran i tchilatche wasta i menshendar dran o them Syria, te nai djiwenn i Israelitarja pale an pengre khera, jaake har glan ko tsiro his.

2. Rajengro liil 14:24

Un job kras, hoi glan o baro Debleskre jaka djungelo his, un mukas gar ko tchilatcho drom, hoi o Jerobeam djas, koleskro dad o Nebat his. O Jerobeam anas o Israel o Debleskro dromestar tele un kras te mangenn le wawar deblen an.

Ezekiel 11:10

Tumer wenn o chareha mulo dino. Kate an o them Israel dau tumen tumari phagi. Un tumer dikenn un haiwenn, te hom me o baro Dewel.

Amos 6:14

“Doleske”, penell o baro Dewel, ko rai pral o bolepen un i phub, “bitchrau i natsjona, hoi djal ap tumende, kai han dran o kheer Israel. Kolla menshe lenn tumaro them dren fun Lebo-Hamat bis pash o lengsto pani an o telstuno them.”

Jona 1:1

O baro Dewel rakras o mursheha Jona, koleskro dad o Amitai his, un penas:

4. Mose 13:21

Un jon djan koi, un dikan, har ko them hi an o mulo tato them Zin un dureder pre, o tselo drom bis pash o foro Rehob pash Lebo-Hamat.

Mateo 16:4

Har tchilatcho hi kol menshe, kai djiwenn an kau tsiro! Jon mukan o Debles, un kamenn i baro Debleskro koowa te dikell. Un o Dewel sikrell len tchi wawar har kowa, hoi i menshe ninna ap o Debleskro rakepaskro, o Jona, dikan. Un o Jesus mukas len, un djas peske.

5. Mose 3:17

Ap i rig, kai o kham tele djal, djal o them bis pash o lengsto pani Jordan, un kote fun o pani Kinneret bis pash o Londo Baro Pani, un bis tella pash i berga Pisga, kote kai o kham pre djal.

Josua 19:13

un dureder kote, kai o kham pre djal, bis pash kol forja Gat-Hefer un Et-Kazin, un dureder bis pash o foro Rimmon un dureder bis pash o foro Neah.