2. Rajengro liil 14:20 - O Debleskro Drom 2021 (Sinte)

²⁰ Un jon tchiwan les ap graja un anan les an o foro Jerusalem. Un job was paskedo pash peskre phurende an o Davideskro foro.

O Debleskro Lab 2024 (Sinte-Manouche)

²⁰ Oun yon čivan les ap graya oun anan les an o foro Yerusalem. Oun yob vas paskedo pash peskre phourende an o Davideskro foro.

2. Rajengro liil 14:20 ပူးပေါင်းရင်းမြစ်များ

1. Rajengro liil 11:43

Un o Salomo meras un was paskedo pash peskre phurende an o Davideskro foro. Un leskro tchawo, o Rehabeam, was o baro rai pal leste.

1. Rajengro liil 2:10

Un o David meras un was paskedo an o foro Jerusalem.

2. Rajengro liil 12:21

Un leskre pralstune budepangre kran pen khetne, te denn le les mulo. Un dui lendar dan les mulo an o kheer pash o Millo, ap ko drom, kai djal an o foreskro kotar, hoi kharell Silla. Kol dui his o Josachar, koleskro dad o Shimat hi, un o Josabad, koleskro dad o Shomer hi. Un jon paskran les pash peskre phurende an o Davideskro foro. Un leskro tchawo, o Amazja, was baro rai pal leste.

2. Rajengro liil 14:19

Un jon kran pen khetne an o foro Jerusalem, te marenn le o Amazja. Job nashas peske an o foro Lakish. Un jon bitchran murshen leske palla an o foro Lakish un maran les kote.

2. Rajengro liil 14:21

Un i tsele menshe dran o them Juda lan leskro tchawo, o Asarja, un kran les baro rai, har his lo 16 (deesh-te-shob) bersha phuro.

2. Rajengro liil 8:24

Un o Joram meras un was paskedo pash peskre phurende an o Davideskro foro. Un leskro tchawo, o Ahasja, was baro rai pal leste.

2. Rajengro liil 9:28

Un leskre lurde anan les an Jerusalem un paskran les an leskro mulengro kheer pash leskre phurende an o Davideskro foro.

2. Familjakro liil 21:20

32 (trijanda-te-dui) bersha his lo, har was lo baro rai. Un 8 (ochta) bersha his lo o baro rai an o foro Jerusalem. Kekes khaitas leskro merepen. Ninna te paskran le les an o Davideskro foro, his leskri grufta gar an o mulengro kheer, kai i wawar bare raja paskedo wan.

2. Familjakro liil 26:23

Un o Usija meras, un jon paskran les pash peskre phurende ap i kotar phub, langs o mulengro kheer, kai i bare raja paskedo wan; jon penan penge: Les hi i djungelo nasslepen. Un leskro tchawo, o Jotam, was baro rai pal leste.

2. Familjakro liil 33:20

Un o Manasse meras, un jon paskran les an leskro kheer. Un leskro tchawo, o Amon, was baro rai pal leste.