2. Rajengro liil 14:11 - O Debleskro Drom 2021 (Sinte)

¹¹ Un o Amazja shunas gar koi pre. Kote djas o Joash pral. Un jon dui, o Joash un o Amazja, kuran pen khetne pash Bet-Shemesh. Kowa hi an o them Juda tchiddo.

O Debleskro Lab 2024 (Sinte-Manouche)

¹¹ Oun o Amazya shounas gar koy pre. Kote djas o Yoash pral. Oun yon douy, o Yoash oun o Amazya, kouran pen khetne pash Bet-Shemesh. Kova hi an o them Youda čiddo.

2. Rajengro liil 14:11 ပူးပေါင်းရင်းမြစ်များ

2. Rajengro liil 13:12

Ko tselo wawar koowa, hoi pral o Joash penepaske hi, lauter, hoi lo kras un leskro baro koowa, har kuras pes lo o baro rajeha pral Juda – koleskro lab hi Amazja – kowa hi tchinlo an i familjakro liil i bare rajendar pral o Israel.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

2. Familjakro liil 25:20

O Amazja shunas gar koi pre. O baro Dewel kamas te dell lo i menshen dran Juda an o wast o baro rajestar Joash doleske, kai mangan le i debla an, kai an o them Edom an-mangedo wan.

Josua 15:10

Un fun o foro Baala djas o drom pash i berge Seir, hoi kote tchiddo hi, kai o kham tele djal. Fun kotar djas dureder ap i nordetikri rig koi bergatar Jearim – lakro wawar lab hi Kesalon – un palle tele pash o foro Bet-Shemesh un dureder an o foro Timna;

Josua 19:38

Jiron, Migdal-El, Horem, Bet-Anat un Bet-Shemesh. Kolla his khetne 19 (deesh-te-enja) forja un lengre gaba.

Josua 21:16

Ajin un koi phub trul o foro, kai i vieche nai chan; Jutta un koi phub trul o foro, kai i vieche nai chan; Bet-Shemesh un koi phub trul o foro, kai i vieche nai chan. Kolla his enja forja, hoi i menshe dran kol dui khera Juda un Simeon lenge dan.

Čačepangre 11:28

O rai pral i Ammonarja shunas gar ap i laba, hoi o Jefta leske mukas te penell.