2. Rajengro liil 13:23 - O Debleskro Drom 2021 (Sinte)

²³ Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.

O Debleskro Lab 2024 (Sinte-Manouche)

²³ Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

2. Rajengro liil 13:23 ပူးပေါင်းရင်းမြစ်များ

1. Mose 6:3

Koi penas o baro Dewel: “Miro djipaskro ducho atchell gar hako tsiro an o mensheste. Job hi mass. Job well gar phureder har 120 (sheel-te-biish) bersha.”

1. Rajengro liil 8:28

Miro baro Dewel, tu hal miro rai. Shun, hoi tutar mangau kau diwes! Shun miro mangepen!

2. Rajengro liil 13:24

Un o Hasael, ko baro rai pral o them Syria meras. Un leskro tchawo Ben-Hadad was baro rai pal leste.

2. Rajengro liil 13:4

Palle mangas o Joahas o baro Debles i ropaskri goljah, un o baro Dewel shunas les. Job dikas, har o Israel tele rikedo was, un har o baro rai pral o them Syria lenge o djipen phares kras.

2. Rajengro liil 14:26

Doleske bitchras o baro Dewel lenge o Jerobeames, har dikas lo koi bari bibacht, hoi ap o Israel tchiddo his, un kek, tchatchepah, kek koi his, kai lenge ap i rig was. O baro Dewel penas gar, kai kamell lo i Israelitarjen krik te lell i phubjatar. Doleske las lo len win dran lengri bari bibacht, un bitchras lenge o Jerobeames, koleskro dad o Joash his.

2. Rajengro liil 17:18

Kote was o baro Dewel chojedo pral i Israelitarja, un tchiwas len krik glan leskre jaka, jaake kai atchan kokres menshe dran o kheer Juda pral.

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

2. Rajengro liil 17:23

Kowa djas jaake rah, bis te o baro Dewel i Israelitarjen glan peste krik tradas, un was jaake har leskre budepangre glan-wi penan, kolla, kai leskre rakepangre his. Jaake wan i Israelitarja dran o them Israel pandles krik anlo an o them Assur. Kote hi le gomme kau diwes.

2. Rajengro liil 24:20

Kowa halauter kras o baro Debles jaake chojedo pral o foro Jerusalem un o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.

Debleskri gili 105:8

An kek tsiro bistrell lo peskri sowel, hoi lo mentsa dren djas. Peskro lab, hoi das lo, atchella jaake rah har menshe ap i phub djiwenna.

Debleskri gili 105:9

Kowa hi ko lab, hoi das lo o Abrahameste, koi sowel, hoi das lo o Isaakeste,

Debleskri gili 106:45

palle was an leskro shero, hoi kras lo lentsa win, te hi lo lengro Dewel. Un an peskro baro latchepen khaitan le les.

Debleskri gili 51:11

Ma dik ap miri doosh, un le o tchilatcho koowa, hoi krom, mandar krik!

Debleskri gili 78:38

Job kras lenge peskro dji pre, un maras len gar. Na-a, job las lendar i doosh tele. Bud kope rikras job peskri choli pale, un mukas gar peskri tseli choli ap lende te well.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

2. Mose 33:19

“Mishto”, penas o baro Dewel: “Me kamau glan tute te djal, te dikess tu miro tselo latchepen. Un miro lab ‘Baro Dewel’ rakrau me glan tute win. Me hom latcho koneske, kones me kamau. Un krau miro dji pre koneske me kamau.

Jeremia 12:15

Pal kowa, kai anom kol wawar menshen dran lengro them, krau me lenge miro dji pale pre, un anau len pale an lengro them, kote, kai jon glan ko tsiro djiwan.

Ropaskre gilja 3:32

Ninna te dukell lo jekes, well lo leske pale kamles. Jaake baro hi leskro latchepen.

3. Mose 26:42

palle kamau koi sowel, hoi o Jakobeske dom, gar bistrell, witar gar koi sowel, hoi o Isaakeha dren djom, un koi sowel, hoi o Abrahameha krom. Un bistrau gar, te penom lenge, te dap o them lengre tchawenge, kai pal lende wenna.

Mateo 25:41

Un palle penell job kolenge, kai ap leskri serwi rig tardo hi: Tumer han tel o Debleskro praassepen tardo! Djan tumenge! Djan an koi jag, hoi chatchella hako tsiro, un hoi hi o bengeske un leskre kurepangre kerdo!

5. Mose 32:36

Tchatchepah o baro Dewel dell peskre menshende lengro tchatchepen. Te dikell lo, har leskre budepangre nashran pengri soor, khaitenn le les. Te dikell lo, har kek ap lengri rig hi, krell job peskro dji lenge pre.

2. Tessalonikarja 1:9

Kolla lenn i phagi: Jon djan hako tsireske nashedo, un nai wenn buder gar pash o Debleste, un dikenna gar leskro baro railepen

Čačepangre 10:16

Un jon witsran kol wawar deblen pendar krik un mangan o baro Debles an. Koi khaitas les, te well o Israeleske jaake pharo kerdo.”