2. Rajengro liil 13:2 - O Debleskro Drom 2021 (Sinte)

² Job kras, hoi glan o baro Debleskre jaka djungeles his jaake har o Jerobeam kras, koleskro dad o Nebat his. O Jerobeam anas o Israel o Debleskro dromestar tele, un kras, te mangan le wawar deblen an. Un o Joahas mukas len kowa ninna te krell.

O Debleskro Lab 2024 (Sinte-Manouche)

² Yob kras, hoy glan o baro Debleskre yaka djoungeles his yaake har o Yerobeam kras, koleskro dad o Nebat his. O Yerobeam anas o Israel o Debleskro dromestar tele, oun kras, te mangan le vavar deblen an. Oun o Yoakaz moukas len kova ninna te krell.

2. Rajengro liil 13:2 ပူးပေါင်းရင်းမြစ်များ

1. Rajengro liil 14:16

Dran o tchilatchepen, hoi o Jerobeam kras, mukell o baro Dewel i Israelitarjen. O Jerobeam djas o baro Debleskro dromestar tele, un kras, te djan i Israelitarja ninna o baro Debleskro dromestar tele.”

2. Rajengro liil 10:29

Kol wawar chochene deblen mukas lo tardo: kol sonakangre terne grumja an Betel un Dan. Kolen kras o Jerobeam, koleskro dad o Nebat his. Un o Jerobeam anas i Israelitarjen o Debleskro dromestar tele, te mangenn jon kol figure an. Un o Jehu mukas len kowa ninna te krell.

2. Rajengro liil 13:1

Har o Joash, koleskro dad o Ahasja his, an o biish-te-triinto bersh o baro rai pral o them Juda his, was o Joahas, koleskro dad o Jehu his, baro rai pral o them Israel. O Joahas his 17 (deesh-te-efta) bersha baro rai. An ko tsiro djiwas lo an o foro Samaria.

2. Rajengro liil 13:11

Job kras, hoi djungeles his glan o baro Debleskre jaka, un mukas gar ko tchilatcho drom, hoi o Jerobeam djas, koleskro dad o Nebat his. O Jerobeam anas o Israel o Debleskro dromestar tele un kras te mangan le wawar deblen an. Un o Joash kras kowa ninna.

2. Rajengro liil 13:6

Ninna te dikan le, hoi o baro Dewel lauter lenge kras, mukan le gar tele ko tchilatcho dromestar, kai o kheer Jerobeam len pre anas, un mangan dureder i wawar deblen an. Ninna mukan le koi kashteni debletsa, i Ashera, an o foro Samaria tardo.

Hosea 5:11

O Efrajim las pes glan, te nashell lo i chochene deblenge palla. Doleske well lo kanna tele rikedo. Un leskro tchatchepen well i pirentsa stakedo.