2. Rajengro liil 13:14 - O Debleskro Drom 2021 (Sinte)

¹⁴ Har o Elisa an i nasslepen tchiddo his, ap kowa lo ninna hunte meras, was o Joash, ko baro rai pral o them Israel, pash leste tele, un rowas glan leste un penas: “Miro dad, miro dad! Tu baro kurepaskro i Israelenge!”

O Debleskro Lab 2024 (Sinte-Manouche)

¹⁴ Har o Elisa an i nasslepen čiddo his, ap kova lo ninna hounte meras, vas o Yoash, ko baro ray pral o them Israel, pash leste tele, oun rovas glan leste oun penas: “Miro dad, miro dad! Tou baro kourepaskro i Israelenge!”

2. Rajengro liil 13:14 ပူးပေါင်းရင်းမြစ်များ

1. Mose 48:1

Pal i tsiro was o Josefeske penlo: “Tiro dad hi nasselo.” Koi las o Josef peskre dui tchawen, o Efrajim un o Manasse, un jon djan pash leste.

1. Mose 49:33

Har o Jakob kowa peskre tchawenge penas, tserdas job peskre herja ap o tchiben un meras.

1. Mose 50:1

Koi peras o Josef ap peskro dadeskro mui un rowas pral leste un tchumras les.

2. Rajengro liil 13:12

Ko tselo wawar koowa, hoi pral o Joash penepaske hi, lauter, hoi lo kras un leskro baro koowa, har kuras pes lo o baro rajeha pral Juda – koleskro lab hi Amazja – kowa hi tchinlo an i familjakro liil i bare rajendar pral o Israel.

2. Rajengro liil 13:13

Un o Joash meras un was paskedo an Samaria pash peskre phurende, kol bare rajende pral o them Israel. Un o Jerobeam, was baro rai pal leste.

2. Rajengro liil 13:15

O Elisa penas ap leste: “Le tiro bogo un tire faile!” Un har lo peskro bogo un i faile las,

2. Rajengro liil 2:12

O Elisa dikas kowa un das gole: “Miro dad, miro dad, tu baro kurepaskro i Israelenge!” Un dikas les gar buder. Koi tapras job peskre koola un phagas len an dui kotja,

2. Rajengro liil 20:1

An kol diwessa was i merepaskro nasslepen pral o Hiskija. Un o Debleskro rakepaskro, o Jesaja, koleskro dad o Amoz his, was pash leste un penas ap leste: “Kawa penell o baro Dewel: ‘Tu weh gar sasto kau nasslepastar un hunte meress. Doleske pen tire menshenge, har te djal pal tiro merepen dureder!’”

2. Rajengro liil 6:21

Un har ko baro rai pral Israel len dikas, penas job ap o Elisa: “Tata, krap me len mulo? Kameh, te dap len mulo?”

Debleskri gili 12:1

I gili o Davidestar te giwess lat pash o bashepen ap i ochta-dorjengri bashepaskri.

Gosewe laba 11:11

O Debleskre menshe anenn o Debleskri bacht pral o foro. Un o foro well sorelo. Dran o mui i tchilatchendar well sau rakepen, hoi phagell o foro tele.

Jesaja 57:1

O baro Dewel penell: Kowa, kai an o tchatchepen tardo his, meras. Un kek lell kowa an peskro dji. Un kolla, kai rikran ap mande, nashran pengro djipen. Un halauter krenna, har te wals kowa gar lengro koowa. Tchatchepah, ko tchatcho mensho was win lino dran o tselo tchilatchepen un bibacht.

Ezekiel 14:14

Ninna te wans kal triin mursha an ko them, o Noah, o Daniel un o Hiob, palle lans jon kokres pengro djipen dran o merepen win, kek wawar lentsa. Jon djiwan an o tchatchepen. Doleske loms len kokres dran o merepen win. Kawa penau me o baro Dewel, tumaro rai.

Ezekiel 22:30

Un me rodom i murshes mank lende, kai krals i massuri trul o foro pale newes. Rodom jekes, kai tchiwas pes pre glan mande kote, kai i barra win phagedo wan, un rakrals mishto kol menshenge, te hunte marap len gar. Un me hatsom kekes.

Zakarie 1:5

Tumare phure hi buder gar koi, un mire rakepangre, kai lentsa rakran, djiwenn gar buder.

Markus 6:20

O Herodes trashas o Johannestar. Job djinas, kai o Johanni i Debleskro mursh hi, kai djas o tchatcho drom. Doleske das lo garda ap leste un rikras les an o stilepen. Job kamas o Johanneskro rakepen. Hako kopo, kai job les shunas, djinas lo buder gar, hoi te krell lo un te penell lo.

Johanni 11:3

Kol dui phenja bitchran menshen pash o Jesuseste, te penenn le leske: “Rai, koles, kai tu kameh, hi nasselo.”

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

Filiparja 2:26

Tumer shunan, kai job nasselo was. Har job shunas, kai tumer djinenn kowa, rowas leskro dji, un job kamas pash tumende te well.