2. Rajengro liil 13:13 - O Debleskro Drom 2021 (Sinte)

¹³ Un o Joash meras un was paskedo an Samaria pash peskre phurende, kol bare rajende pral o them Israel. Un o Jerobeam, was baro rai pal leste.

O Debleskro Lab 2024 (Sinte-Manouche)

¹³ Oun o Yoash meras oun vas paskedo an Samaria pash peskre phourende, kol bare rayende pral o them Israel. Oun o Yerobeam, vas baro ray pal leste.

2. Rajengro liil 13:13 ပူးပေါင်းရင်းမြစ်များ

2. Samuel 7:12

Te hi tiro tsiro trujel, un tu mereh, hadau jekes tire tchawendar, kai pal tute wenna, te well lo baro rai, un atchell kowa.

1. Rajengro liil 1:21

Te kreh tu kowa gar, un ko tsiro well, kai hal buder gar djido, palle hom me un miro tchawo, o Salomo, an lengre jaka phukepangre.”

1. Rajengro liil 11:31

Un job penas ap o Jerobeam: “Le tuke deesh kotja! O baro Dewel, kai o Israeleskro Dewel hi, penell: Dik, me krau, te atchell o Salomo buder gar o rai pral o tselo Israel. Tuke dau i menshen, kai wenn deesh tchawendar o Jakobestar, te wess rai pral lende un lengro them.

1. Rajengro liil 2:10

Un o David meras un was paskedo an o foro Jerusalem.

2. Rajengro liil 13:12

Ko tselo wawar koowa, hoi pral o Joash penepaske hi, lauter, hoi lo kras un leskro baro koowa, har kuras pes lo o baro rajeha pral Juda – koleskro lab hi Amazja – kowa hi tchinlo an i familjakro liil i bare rajendar pral o Israel.

2. Rajengro liil 13:14

Har o Elisa an i nasslepen tchiddo his, ap kowa lo ninna hunte meras, was o Joash, ko baro rai pral o them Israel, pash leste tele, un rowas glan leste un penas: “Miro dad, miro dad! Tu baro kurepaskro i Israelenge!”

2. Rajengro liil 13:9

Un o Joahas meras un was paskedo pash peskre phurende an o foro Samaria. Un leskro tchawo, o Joash, was baro rai pal leste.

2. Rajengro liil 14:15

Ko tselo wawar koowa, hoi pral o Joasheste penepaske hi, kowa, hoi lo kras un leskro baro koowa, un har kuras pes lo o baro rajeha pral Juda – koleskro lab hi Amazja – kowa hi tchinlo an i familjakro liil i bare rajendar pral o Israel.

2. Rajengro liil 14:23

Har o Amazja, koleskro dad o Joash his, an o deesh-te-pantchto bersh o baro rai pral o them Juda his, was o Jerobeam baro rai pral o them Israel. Leskro dad kharas ninna Joash. O Jerobeam his 41 (star-deesh-te-jek) bersha baro rai un djiwas an ko tsiro an o foro Samaria.

2. Rajengro liil 15:12

Jaake was tchatcho, hoi o baro Dewel ap o Jehu penas: “Tutar wenna bare raja pral o them Israel jaake rah bis te djiwan star familje jek pal o wawar.” Un jaake was kowa.

Hosea 1:1

Kawa hi o lab, hoi penas o baro Dewel ap o Hosea, koleskro dad o Beeri his, an ko tsiro, har o Usija, o Jotam, o Ahas un o Hiskija kol bare raja pral o them Juda his, un o Jerobeam, koleskro dad o Joash his, ko baro rai pral o them Israel his.