2. Rajengro liil 12:5 - O Debleskro Drom 2021 (Sinte)

⁵ Un o Joash penas ap i rashajende: “Lenn ko tselo rup, hoi i menshe anenna an o baro Debleskro kheer: kol lowe, hoi hunte denn le, un ninna kol lowe, hoi denn le pendar dran o dji.

O Debleskro Lab 2024 (Sinte-Manouche)

⁵ Oun o Yoash penas ap i rashayende: “Lenn ko tselo roup, hoy i menshe anenna an o baro Debleskro kheer: kol love, hoy hounte denn le, oun ninna kol love, hoy denn le pendar dran o dji.

2. Rajengro liil 12:5 ပူးပေါင်းရင်းမြစ်များ

1. Rajengro liil 11:27

Har hadas lo pes pral o baro rajeste, was kowa jaake: O Salomo mukas o turmo Millo te krell, un koi massuri tseles te krell, hoi djas trul o Davideskro foro.

2. Rajengro liil 12:12

un tchiwan les ap i waga un dikan pal, har bud kowa his. Un palle dan le les i pralstunende pral i budepangre, kai budran an o baro Debleskro kheer. Un kolla dan les kolende, kai budrenn o kashteha un krenn i massurja,

2. Rajengro liil 12:4

Kokres kol mulne platse mukas lo gar khetne te dell, kai chatchran i menshe i mule deblenge viechen un sungepaskro koowa.

2. Rajengro liil 12:6

Hako rashai te lell kol lowe pash peste kolendar, kai prindjrell lo. Kol lowentsa well o Debleskro kheer kote pale newo un shukar kerdo, kai tchomone paash djas un djungelo was.”

2. Rajengro liil 22:4

“Dja pral pash o baro rashajeste o Hilkija, te dikell lo palla, har bud kol lowe hi, hoi an o baro Debleskro kheer anlo was, hoi kol mursha, kai ap o wudar garda denna, i menshendar dren lan.

1. Familjakro liil 29:6

Har shunan kol laba i pralstune pral i bare familjende un pral i deesh-te-dui khera o Jakobeskre tchawendar, ninna i pralstune pral i lurdende, kolla pral jek sero un kolla pral jek sheel, un kol pralstune pral ko tselo koowa, hoi o baro rajeske his,

1. Familjakro liil 29:9

Un i tsele menshe his bachtelo, kai dan lengre pralstune jaake bud kutch koowa dran pengro wast pengro tselo djijeha o baro Debleste. Un ninna o baro rai David his bachtelo pral kowa,

2. Familjakro liil 24:5

Un job mukas i rashajen un i Levitarjen khetne te well, un penas ap lende: “Djan an i tsele forja an o them Juda, un anenn lowe dran o tselo them Israel, te nai krah mer hako bersh kowa pale newes, hoi ap o Debleskro kheer paash djas. Krenn kowa sik!” I Levitarja lan penge bud tsiro un kran kowa gar.

2. Familjakro liil 24:7

I Atalja, koi djungeli, un lakre tchawe mukan o Debleskro kheer tele te well. Un halauter, hoi i menshe o baro Debleske leskro khereske dan, anan jon pash o mulo debleste Baal.”

2. Mose 30:13

Hako mursh, kai hi biish bersh un phureder, kowa dell man i paash kotar rup. Ko paash rupeno kotar hunte well jaake pharo har kolla an o Debleskro kheer: shob gramme pharo.

Jesaja 58:12

Un tire menshe tchiwenn pale kol phure forja pre, hoi bud bersha paash dino koi tchiddo his. Awa, jon krenn kol phure massurja newes, kolen tire phure menshe koi tchiwan glan i rah tsiro. Un tu weh kharedo: Kowa, kai phagede massurja pale pre tardo tchiwell, un kowa, kai i dromma kote pale tseles krell, kai i menshe djiwenn.

3. Mose 27:2

Pen ap i Israelitarja: Te das jek pes sowel, te dell lo man, o baro Debleste, i menshes, palle nai ginell lo koles pale win.

4. Mose 18:15

Hako mursh, kai o phureder tchawo peskri datar hi, – pash i menshende, ninna pash i viechende, – koles jon o baro Debleske anenna, hi tumenge. I menshes dess tu pale un less lowe leske. Ninna i viecho, hoi pale-tchiddo hi, dess tu pale un less lowe leske.