2. Rajengro liil 12:19 - O Debleskro Drom 2021 (Sinte)

¹⁹ las o Joash, ko baro rai pral o them Juda, ko tselo kutch koowa, hoi dan leskre phure, kol bare raja, o Josafat, o Joram un o Ahasja, o baro Debleske, ninna kowa, hoi job kokres o Debleske das, un ko tselo sonakai, hoi was hatslo an o baro Debleskro kheer un an o baro rajeskro kheer, un bitchras halauter pash o Hasael, ko baro rajeste pral o them Syria. Kote djas peske o Hasael o forestar Jerusalem krik.

O Debleskro Lab 2024 (Sinte-Manouche)

¹⁹ las o Yoash, ko baro ray pral o them Youda, ko tselo kouč koova, hoy dan leskre phoure, kol bare raya, o Yosafat, o Yoram oun o Ahasya, o baro Debleske, ninna kova, hoy yob kokres o Debleske das, oun ko tselo sonakay, hoy vas hatslo an o baro Debleskro kheer oun an o baro rayeskro kheer, oun bičras halauter pash o Hasael, ko baro rayeste pral o them Syria. Kote djas peske o Hasael o forestar Yerusalem krik.

2. Rajengro liil 12:19 ပူးပေါင်းရင်းမြစ်များ

1. Rajengro liil 11:41

Ko tselo wawar koowa, hoi pral o Salomo penepaske hi, un halauter, hoi lo kras, un leskro tselo goswepen, kowa hi tchinlo an i familjakro liil o Salomestar.

1. Rajengro liil 14:19

Ko tselo wawar koowa, hoi pral o Jerobeam penepaske hi, leskro kurepen un har lo baro rai his, kowa hi tchinlo an i familjakro liil i bare rajendar pral o Israel.

1. Rajengro liil 14:29

Un ko tselo wawar koowa, hoi pral o Rehabeam penepaske hi, un halauter, hoi job kras, kowa hi tchinlo an i familjakro liil i bare rajendar pral o them Juda.

1. Rajengro liil 15:18

Kote las o Asa ko tselo rup un sonakai, hoi pral atchas o brawlepastar an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesjon his. O Ben-Hadad his o baro rai pral o them Syria. Un o Asa mukas leske te penell:

2. Rajengro liil 12:18

An ko tsiro djas o baro rai pral o them Syria, – leskro lab his Hasael – pash o foro Gat un las les peske dren. Un har lo dureder djas, te kurell lo pes o foreha Jerusalem,

2. Rajengro liil 12:20

Ko tselo wawar koowa, hoi pral o Joash penepaske hi, un halauter, hoi lo kras, kowa hi tchinlo an i familjakro liil i bare rajendar pral o them Juda.

2. Rajengro liil 16:8

Un o Ahas las ko rup un ko sonakai, hoi lo an o baro Debleskro kheer hatsas, un hoi lo an peskro rajeskro kheer hatsas, un bitchras halauter o baro rajeske pral o them Assur, te lell lo les dran leskro wast kamles pash peste.

2. Rajengro liil 18:15

Jaake das leste o Hiskija ko tselo rup, hoi hatsas pes an o baro Debleskro kheer un an o baro rajeskro kheer.

2. Rajengro liil 18:16

An ko tsiro phagas o Hiskija ninna o sonakai tele i wudjendar an o baro Debleskro kheer, hoi mukas lo glan i tsiro pre te krell, un das les o baro rajestar pral o them Assur.

2. Rajengro liil 8:23

Ko tselo wawar koowa, hoi pral o Joram penepaske hi, un lauter, hoi lo kras, kowa hi tchinlo an i familjakro liil i bare rajendar pral o Juda.