2. Rajengro liil 12:18 - O Debleskro Drom 2021 (Sinte)

¹⁸ An ko tsiro djas o baro rai pral o them Syria, – leskro lab his Hasael – pash o foro Gat un las les peske dren. Un har lo dureder djas, te kurell lo pes o foreha Jerusalem,

O Debleskro Lab 2024 (Sinte-Manouche)

¹⁸ An ko tsiro djas o baro ray pral o them Syria, – leskro lab his Hasael – pash o foro Gat oun las les peske dren. Oun har lo doureder djas, te kourell lo pes o foreha Yerusalem,

2. Rajengro liil 12:18 ပူးပေါင်းရင်းမြစ်များ

1. Rajengro liil 14:26

Un job las ko tselo brawlepen dran o baro Debleskro kheer un dran o baro rajeskro kheer, halauter las lo peha, ninna las lo kol sonakangre shilte, kolla, kai mukas o Salomo te krell.

1. Rajengro liil 15:18

Kote las o Asa ko tselo rup un sonakai, hoi pral atchas o brawlepastar an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesjon his. O Ben-Hadad his o baro rai pral o them Syria. Un o Asa mukas leske te penell:

2. Rajengro liil 12:19

las o Joash, ko baro rai pral o them Juda, ko tselo kutch koowa, hoi dan leskre phure, kol bare raja, o Josafat, o Joram un o Ahasja, o baro Debleske, ninna kowa, hoi job kokres o Debleske das, un ko tselo sonakai, hoi was hatslo an o baro Debleskro kheer un an o baro rajeskro kheer, un bitchras halauter pash o Hasael, ko baro rajeste pral o them Syria. Kote djas peske o Hasael o forestar Jerusalem krik.

2. Rajengro liil 12:4

Kokres kol mulne platse mukas lo gar khetne te dell, kai chatchran i menshe i mule deblenge viechen un sungepaskro koowa.

2. Rajengro liil 14:14

Un job las o tselo sonakai un rup un ko tselo kutch koowa, hoi hatslo wan an o baro Debleskro kheer un o tselo brawlepen an o baro rajeskro kheer, koi pashel kol pandle menshen, un djas pale an Samaria.

2. Rajengro liil 16:8

Un o Ahas las ko rup un ko sonakai, hoi lo an o baro Debleskro kheer hatsas, un hoi lo an peskro rajeskro kheer hatsas, un bitchras halauter o baro rajeske pral o them Assur, te lell lo les dran leskro wast kamles pash peste.

2. Rajengro liil 8:12

Koi putchas o Hasael: “Hoske rowell miro rai?” Job penas: “Me djinau, hoi tu kol Israelentsa kreh: Tu chatchreh lengre forja pre, un lengre terne murshen deh o chareha mulo, un lengre terne tchawen mareh tu ninna, un kol djuwjen tchineh tu pre, kai an wawar koowa hi.”

2. Familjakro liil 16:2

Kote las o Asa rup un sonakai dran o brawlepen an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o baro rajeste pral o them Syria – leskro lab his Ben-Hadad – un mukas leske te penell:

2. Familjakro liil 24:17

Un har o Jojada mulo his, wan i pralstune dran o them Juda un witsran pen glan o baro rajeste ap i phub. Koi shunas job ap kowa, hoi jon leske penan, te krell lo.

Joel 3:5

An ko tsiro well jaake: Koon o baro Debleskro lab an-gole dell, kowa well win lino dran o merepen. Ap i berga Zion un an o foro Jerusalem nai well lenge kek tchilatchepen, jaake har o baro Dewel penas. Un mank kolende, kai djido atchan, hi kolla, kolen o baro Dewel peske win rodas.