2. Rajengro liil 12:17 - O Debleskro Drom 2021 (Sinte)

¹⁷ Kol wawar lowe, hoi i menshe pashel dan, har anan le viechen o Debleske, te well lengri doosh krik lino, un te well lauter pale mishto, kol lowe was gar o baro Debleskro khereske lino. Kol lowe his i rashajenge kokres.

O Debleskro Lab 2024 (Sinte-Manouche)

¹⁷ Kol vavar love, hoy i menshe pashel dan, har anan le firhen o Debleske, te vell lengri doosh krik lino, oun te vell lauter pale mishto, kol love vas gar o baro Debleskro khereske lino. Kol love his i rashayenge kokres.

2. Rajengro liil 12:17 ပူးပေါင်းရင်းမြစ်များ

1. Rajengro liil 15:18

Kote las o Asa ko tselo rup un sonakai, hoi pral atchas o brawlepastar an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesjon his. O Ben-Hadad his o baro rai pral o them Syria. Un o Asa mukas leske te penell:

1. Rajengro liil 19:17

Palle well jaake: Koon nai nashell peske glan o charo, koleha o Hasael dell, koles marell o Jehu. Un koon nai nashell peske glan o charo, koleha o Jehu dell, koles marell o Elisa.

2. Rajengro liil 10:32

An ko tsiro, kai o Jehu baro rai his, tchinas o baro Dewel kotja dran o Israeleskro them win: O baro rai Hasael dran o them Syria las len ko them krik, hoi tchatches o panjestar Jordan hi, bis pash o foro Aroer pash o pani Arnon. Kowa his o them Gilead un o them Bashan. Kote djiwan i menshe dran i bare familje Gad, Ruben un Manasse.

2. Rajengro liil 13:3

Un ko tselo tsiro, har o Joahas baro rai his, was o baro Debleskri choli pale te pale pral i Israelende. Un job das len an o wast o baro rajestar Hasael un leskro tchawestar Ben-Hadad. O Hasael his o baro rai pral o them Syria.

2. Rajengro liil 16:8

Un o Ahas las ko rup un ko sonakai, hoi lo an o baro Debleskro kheer hatsas, un hoi lo an peskro rajeskro kheer hatsas, un bitchras halauter o baro rajeske pral o them Assur, te lell lo les dran leskro wast kamles pash peste.

1. Familjakro liil 18:1

Pal kowa kuras pes o David i Filistarentsa un his sorleder har jon, un las o foro Gat un i gaba trul Gat dran lengro wast.

1. Familjakro liil 8:13

O Berja un o Shema his i pralstune pral pengre familje, kai an o foro Ajalon djiwan. Jon tradan i menshen, kai djiwan an o foro Gat, dran o foro win.

Jeremia 42:15

Palle shunenn o baro Debleskro lab, tumer kai atchan pral an o them Juda! Kowa penell o baro Dewel, ko rai pral o bolepen un i phub, kai o Israeleskro Dewel hi: Te krenn tumen ap o drom, te djan an o them Egiptia, un te djiwenn kote,

Daniel 11:17

Un job kamell ninna o tselo them Egiptia an peskro wast te lell. Doleske rakrell lo pes o baro rajeha pral o them Egiptia tele, un dell les peskri tcha, te well li leskri romni. Kowa krell lo, te anell lo nai koleskro them an i bibacht. Kowa djal leske gar, un well gar jaake har job kamell.

3. Mose 7:7

Jaake har pash ko viecho, hoi i doshake maredo well, jaake hi ninna pash ko viecho, hoi maredo well, te well o mensheskri doosh pale mishto kerdo. O viecheskro mass hi ko rashajeske, kai o viecheskro thulepen chatchrell, te well pale lauter mishto mank ko mensheste un o Debleste.

3. Mose 7:9

Un o tselo chapen dran djob, hoi an o bob peklo was, an i piri keredo was, oder an i sasterno tcharo peklo was, kowa hi ko rashajeske, kai ko chapen glan o baro Debleste anas.

Habakuk 1:9

Jon wenna halauter, te kurenn le pen bari un tchilatchi sorjah. Kek lendar dikell pale. Jon lenn jaake bud pandle, te nai penell kek, kitse jon hi.

4. Mose 18:9

Tuke hi kol tsele kotja, hoi wenn gar pre-chatchedo kol tsele viechendar, hoi denn le mande, te well lengri doosh krik lino un te well lauter pale mishto, ninna ko tselo chapen, hoi denn le pashel. Kowa halauter hi mange kutch, un me dau les tute un tire tchawende.

Louka 9:51

Har ko tsiro kai his, te well o Jesus maredo, kras pes lo ap o drom, te djal lo an o foro Jerusalem. Un kek nai rikras les pale.

Louka 9:53

I menshe an ko gab shunan, kai kamell lo an o foro Jerusalem te djal. Doleske lan jon les gar pash pende pre.

1. Samuel 27:2

Jaake kras pes o David ap o drom peskre 600 (shob-sheel) murshentsa. Un jon djan pash o baro rajeste pral o foro Gat. Leskro lab his Achish, koleskro dad his o Maoch.