2. Rajengro liil 12:16 - O Debleskro Drom 2021 (Sinte)

¹⁶ Un kol murshen, kai ko tselo rup dino was, te denn le les i budepangren, kolla hunte penan kekeske, har jon ko rup win dan. Jon his mursha o labestar un lenge was patslo.

O Debleskro Lab 2024 (Sinte-Manouche)

¹⁶ Oun kol morshen, kay ko tselo roup dino vas, te denn le les i boudepangren, kolla hounte penan kekeske, har yon ko roup vin dan. Yon his morsha o labestar oun lenge vas patslo.

2. Rajengro liil 12:16 ပူးပေါင်းရင်းမြစ်များ

Nehemia 13:13

Un me rodom murshen win, te wenn le i pralstune pral i chapangre khera. Kolla his o rashai, o Shelemja, un o tchinepaskro, kai lila tchinell, o Zadok, un o Levitari, o Pedaja. Kolenge ap i rig his tardo o Hanan, koleskro dad o Sakkur his, koleskro dad o Mattanja his. Kolla star his mursha o labestar. Kolenge was penlo, te denn le ko chapen ap pengre phralende.

Hosea 4:8

Tumer rashaja chan ko mass, hoi denn i menshe o Debleste pengri doshake. Doleske han tumer bachtelo pral i menshengri doosh.

3. Mose 4:24

Un tchiwell peskro wast ap o viecheskro shero un marell les glan o baro Debleste, kote kai i vieche maredo wenn, hoi o Debleske chatchedo wenn. Jaake well i viecheha kerdo, hoi maredo well, te well i doosh krik lino.

3. Mose 4:29

Un job hunte tchiwell peskro wast ap o viecheskro shero un marell les kote kai i vieche maredo wenn, hoi chatchedo wenn o Debleske.

3. Mose 7:7

Jaake har pash ko viecho, hoi i doshake maredo well, jaake hi ninna pash ko viecho, hoi maredo well, te well o mensheskri doosh pale mishto kerdo. O viecheskro mass hi ko rashajeske, kai o viecheskro thulepen chatchrell, te well pale lauter mishto mank ko mensheste un o Debleste.

4. Mose 18:19

Ko tselo koowa, hoi i Israelitarja o baro Debleske anenna, dau me tuke un tire tchawenge un tire tchenge. Un tumenge hi kowa hako tsireske. Ap ko lab dau me miro wast. Kek nai lell ko lab krik, hoi dom tut un tire tchawende, kai pal tute wenna.