2. Rajengro liil 12:13 - O Debleskro Drom 2021 (Sinte)

¹³ ap kolende, kai tchiwenn i barra jek ap o wawar, un ap kolende, kai tchinenn i barra, ninna ap kolende, kai ginenn kasht un shukar dine barra dren un ko tselo wawar koowa, hoi hunte was ninna ginlo o khereske.

O Debleskro Lab 2024 (Sinte-Manouche)

¹³ ap kolende, kay čivenn i barra yek ap o vavar, oun ap kolende, kay činenn i barra, ninna ap kolende, kay ginenn kasht oun shoukar dine barra dren oun ko tselo vavar koova, hoy hounte vas ninna ginlo o khereske.

2. Rajengro liil 12:13 ပူးပေါင်းရင်းမြစ်များ

2. Rajengro liil 12:14

Kol lowentsa, hoi an o baro Debleskro kheer anlo was, wan kek khore, tchare, tchurja un phurdepangre bashepangre dren ginlo, witar kek sonakangre un rupene koola o baro Debleskro khereske.

2. Familjakro liil 24:14

Un har jon halauter kran, hoi hunte was kerdo, anan jon kol lowe, hoi pral atchan, o baro rajeske un o rashajeste Jojada. Kal lowentsa kran le tchare un wawar rupene un sonakangre koola i budjake an o baro Debleskro kheer, te wenn vieche chatchedo o Debleske. Un jaake rah har o Jojada djiwas, anan le viechen o Debleske, hoi wan leske tseles chatchedo.

Esra 3:7

Un jon dan lowe kol murshen, kai budrenn i barrentsa un kol murshen, kai budrenn o kashtentsa. Ninna dan le chapen un pipen un djet kol murshen dran Sidon un Tirus, te nai anenn le Zedertikro kasht dran o Libanon pral o baro pani an ko foro Jafo. Kowa lauter kran le jaake har les lenge o Kirus, ko rai pral Persia penas.

2. Mose 25:38

Kre ninna tchare, kai i momelengri tchik dren wella, un tchinepangre, kolentsa i dorja an i momlia tele tchinlo wenna. Kolla lauter wenn dran o latcho sonakai kerdo.

4. Mose 10:2

Kre tuke dui phurdepangre dran latcho rup! An kolende well dren phurdedo, te kameh tu, te wenn i tsele Israelitarja khetne, ninna te hunte djan le dureder.