2. Rajengro liil 11:5 - O Debleskro Drom 2021 (Sinte)

⁵ Palle penas lo lenge, hoi te krenn le: “I triinto kotar tumendar”, penas lo, “kai ap o Debleskro diwes pash i budi well, dell garda an o baro rajeskro kheer.

O Debleskro Lab 2024 (Sinte-Manouche)

⁵ Palle penas lo lenge, hoy te krenn le: “I triinto kotar t'mendar”, penas lo, “kay ap o Debleskro dives pash i boudi vell, dell garda an o baro rayeskro kheer.

2. Rajengro liil 11:5 ပူးပေါင်းရင်းမြစ်များ

1. Rajengro liil 10:5

un ko chapen ap leskri chapaskri, un har kol pralstune ap leskri chapaskri beshdo his, un har leskre budepangre o chapen un o pipen anan, un har jon an-ride his, un kol vieche, hoi job mukas te marell un chatchrell an o kheer o baro Deblestar. Un lake atchas o rakepen krik,

2. Rajengro liil 11:19

Palle das lo lauteren khetne gole: i pralstune lurden, i klisten, kai denn jak ap o baro rajeskro kheer un ap leskri familja un i tsele menshe dran Juda. Un kolla anan o baro rajes tele dran o baro Debleskro kheer un wan pash ko wudar, kai kol kliste garda denna, un dureder pash o baro rajeskro kheer. Kote beshas lo pes ap peskri rajeskri beshepaskri.

2. Rajengro liil 11:6

I wawar triinto kotar dell garda ap o wudar, hoi kharell Sur. Un pale i wawar triinto kotar dell garda ap o wudar pal o kheer, kai o baro rajeskre kliste tarde hi. Jaake han tardo trul o tselo kheer un denn garda.

2. Rajengro liil 16:18

Ninna las lo koi dacha krik, hoi pral koi platsa his, kai i menshe ap o Debleskro diwes an o baro Debleskro kheer djan. Un ko winstuno wudar, kai i bare raja an o Debleskro kheer djan, kras lo pandlo. Kowa lauter kras lo jaake, har o baro rajeske pral o them Assur mishto his.

1. Familjakro liil 23:32

Jaake hunte krenn jon pengri budi an o baro Debleskro plachteno kheer, un pal i tsiro an leskro baro kheer, hoi kerdo well, un hunte wenn i rashajenge ap i rig pash lengri budi an o baro Debleskro kheer. I rashaja hi lengre phrala dran o kheer Aron.

1. Familjakro liil 9:25

Star mursha lendar hunte kran pengri budi hako diwes. Lenge wan pengre phrala ap i rig, hakeno efta diwessa. Kau tsireske wan le dran lengre gaba, kai jon djiwenn, te budrenn le lentsa. Kol star his lengre pralstune. Mank i Levitarja his ninna sawe, kai his pralstune pral i iseme un kutch koowa an o Debleskro kheer, un kai dan garda koi pre.

Jeremia 26:10

Har shunan i pralstune pral Juda, hoi kate djas, wan le dran o baro rajeskro kheer, un djan pre an o baro Debleskro kheer un beshan pen tele pash o Newo Wudar, te rakrenn le o tchatchepen pral leste win.