2. Rajengro liil 11:4 - O Debleskro Drom 2021 (Sinte)

⁴ An o eftato bersh bitchras o rashai Jojada bitchepangre, un mukas kol pralstune lurden un klisten gole te dell, kai dan jak ap o rajeskro kheer. Un jon wan pash leste an o baro Debleskro kheer. Un kote las job lendar i sowel tele, te rikrenn le pash leste. Un job sikras len o rajeskro tchawo.

O Debleskro Lab 2024 (Sinte-Manouche)

⁴ An o eftato bersh bičras o rashay Yoyada bičepangre, oun moukas kol pralstoune lourden oun klisten gole te dell, kay dan yak ap o rayeskro kheer. Oun yon van pash leste an o baro Debleskro kheer. Oun kote las yob lendar i sovel tele, te rikrenn le pash leste. Oun yob sikras len o rayeskro čavo.

2. Rajengro liil 11:4 ပူးပေါင်းရင်းမြစ်များ

1. Mose 50:25

Un o Josef kamas te denn pen o Israeleskre tchawe sowel un penas ap lende: “Te anell o Dewel tumen khere, lenn man tumentsa!” Un jon dan pen sowel glan leste.

2. Samuel 20:23

O Joab his o pralstuno pral kol tsele lurdende an Israel. Un o Benaja, koleskro dad o Jojada his, his o pralstuno pral kol Kretarja un Pletarja.

2. Samuel 8:18

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Ninna o Davideskre tchawe his rashaja.

1. Rajengro liil 14:27

Doleske mukas o baro rai Rehabeam shilte te krell dran lolo saster, un das len i pralstunende pral kol lurdende, kai dan garda pash o baro wudar glan leskro kheer.

1. Rajengro liil 18:10

Me dau man sowel pash o baro Debleste, kai tiro Dewel hi: O Ahab rodas tut an hako them, pash i tsele bare rajende. Un te penan jon: ‘Job hi gar pash mende’, kamas lo, te denn le pen sowel, kai nai hatsan le tut gar.

2. Rajengro liil 11:17

Un o Jojada mukas o baro rajes un i menshen dran Juda i sowel te dell o baro Debleske, te djiwenn le jaake, har o baro Dewel peskre menshendar kamella. Ninna mukas lo len i sowel te dell, te rikrenn le hako tsiro pash pengro baro rajes, un job pash lende.

2. Rajengro liil 11:19

Palle das lo lauteren khetne gole: i pralstune lurden, i klisten, kai denn jak ap o baro rajeskro kheer un ap leskri familja un i tsele menshe dran Juda. Un kolla anan o baro rajes tele dran o baro Debleskro kheer un wan pash ko wudar, kai kol kliste garda denna, un dureder pash o baro rajeskro kheer. Kote beshas lo pes ap peskri rajeskri beshepaskri.

2. Rajengro liil 11:3

Un job his pash i Josheba khatedo an o baro Debleskro kheer shob bersha. An ko tsiro his i Atalja i rani pral o them.

2. Rajengro liil 11:9

Un i pralstune lurde kran halauter, har les o rashai Jojada ap lende penas, un lan pengre murshen pash pende, kolen kai ap o Debleskro diwes ap pengri budi wenn, un kolen, kolengri budi kerdi his, un wan pash o rashajeste Jojada.

2. Rajengro liil 12:7

Un har o biish-te-triinto bersh was, kai o Joash baro rai his, un i rashaja kran gomme tchi newes un shukar ap o Debleskro kheer,

2. Rajengro liil 23:3

Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

1. Familjakro liil 9:13

Khetne pengre phralentsa his le 1.760 mursha. Kolla his pralstune pral pengre familje, un haiwan mishto pengri budi te krell an o Debleskro kheer.

2. Familjakro liil 15:12

Un jon dan pengro lab, te rikrenn le pen ap kowa, hoi o baro Dewel lengre phurentsa win kras, te rodenn le les o tselo djijeha un i tseli sorjah.

2. Familjakro liil 29:10

Kanna hi man an o shero, te pandap man ap o baro Debleste, ko Dewel pral o Israel, te djal peske leskri choli mendar, hoi jaake sorelo ap mende tchiddo hi.

Nehemia 10:29

I tsele Israelitarja, i rashaja, un i Levitarja, un kolla, kai jak denn ap o foreskre wudja, un i gipangre, un i budepangre an o Debleskro kheer, un kolla i wawar menshendar, kai mukan pengre menshen un djan kanna o Debleskro drom, ninna lengre romja, lengre tchawe un tcha, kai haiwenn kowa,

Nehemia 5:12

Kote penan le: “Mer kamah kowa pale te dell, un tchi lendar pale te lell! Mer kamah jaake te krell har tu menge penal!” Un me mukom i rashajen te well, un mukom i pralstunen pen sowel te dell glan lende, te krenn le les jaake, har le kowa penan.

Bičepangre 5:24

Har ko pralstuno klisto pral o Debleskro baro kheer un kol bare rashaja kowa shunan, djinan jon gar, hoi te patsenn le, un putchan pendar har kowa dureder djala.

Bičepangre 5:26

Koi djas ko pralstuno klisto kol wawar klistentsa an o Debleskro baro kheer, un lan i Jesuseskre bitchepangre win. Kowa kran le kek sorjah. I kliste daran i menshendar, te marenn le len i barrentsa.

Josua 24:25

Jaake kras o Josua, te dan i Israelitarja o baro Debleske pengro lab, te hi job lengro Dewel. Un kote an o foro Sichem, das lo len kol tchatchepaskre laba un kol wawar laba, hoi sikrenn, hoi o Dewel lendar kamell.

1. Samuel 18:3

Un o Jonatan un o David dan pen sowel, te hi le mala. O Jonatan kamas les budeder har peskro djipen,

1. Samuel 23:18

Un jon dui dan pen sowel glan o baro Debleste, te atchenn le mala. Un o David atchas an Horesha, un o Jonatan djas pale khere.