2. Rajengro liil 11:19 - O Debleskro Drom 2021 (Sinte)

¹⁹ Palle das lo lauteren khetne gole: i pralstune lurden, i klisten, kai denn jak ap o baro rajeskro kheer un ap leskri familja un i tsele menshe dran Juda. Un kolla anan o baro rajes tele dran o baro Debleskro kheer un wan pash ko wudar, kai kol kliste garda denna, un dureder pash o baro rajeskro kheer. Kote beshas lo pes ap peskri rajeskri beshepaskri.

O Debleskro Lab 2024 (Sinte-Manouche)

¹⁹ Palle das lo lauteren khetne gole: i pralstoune lourden, i klisten, kay denn yak ap o baro rayeskro kheer oun ap leskri familya oun i tsele menshe dran Youda. Oun kolla anan o baro rayes tele dran o baro Debleskro kheer oun van pash ko voudar, kay kol kliste garda denna, oun doureder pash o baro rayeskro kheer. Kote beshas lo pes ap peskri rayeskri beshepaskri.

2. Rajengro liil 11:19 ပူးပေါင်းရင်းမြစ်များ

1. Mose 37:36

Un i parepangre dran o them Midian bikran o Josefes an o them Egiptia ap jekeste kol rajendar, kai an o baro rajeskro kheer hi. Leskro lab his Potifar. Job his o pralstuno kolendar, kai denn garda ap o baro rajeste pral o them Egiptia.

1. Rajengro liil 1:13

Dja pash o baro rajeste, o David, un pen ap leste: Tu, miro baro rai, dal tut sowel, un penal mange: ‘Tiro tchawo o Salomo well pal mande o baro rai, job un kek wawar.’ Hoske was palle o Adonija o baro rai?”

1. Rajengro liil 14:27

Doleske mukas o baro rai Rehabeam shilte te krell dran lolo saster, un das len i pralstunende pral kol lurdende, kai dan garda pash o baro wudar glan leskro kheer.

1. Familjakro liil 29:23

Palle beshas pes o Salomo ap o rajeskri beshepaskri, un was o baro rai pral o baro Debleskre menshende, jaake har glan leste leskro dad, o David his. Un i menshe dikan pre ap leste un shunan ap leste.

2. Familjakro liil 23:19

Un o Jojada bitchras klisten glan i wudja o baro Debleskro kherestar, te denn le jak, te nai djas kek dren, kai kras pes ap tchomone pale-tchiddo.

2. Familjakro liil 23:20

Palle las o Jojada i pralstune lurden peha, ninna i brawele un an-dikle murshen un i tsele menshe, kai kote khetne wan. Un jon anan o baro rajes tele dran o baro Debleskro kheer, un wan pash ko pralstuno wudar, djan dren un dureder an o baro rajeskro kheer. Kote beshas lo pes ap peskri rajeskri beshepaskri.

2. Familjakro liil 23:5

I wawar triinto kotar dell garda an o baro rajeskro kheer, un pale i wawar triinto kotar dell garda ap o wudar, hoi kharell Jesod. I tsele wawar menshe hunte atchenn ap i glanstune platse an o baro Debleskro kheer!

Jeremia 17:25

palle nai djan ninna bare raja dran o Davideskri familja dren an kau foreskre wudja, kai beshenn ap graja un wurdja, jon un wawar pralstune, un lauter, kai an Juda un Jerusalem djiwenna. Un an kau foro djiwenn hako tsiro menshe.

Jeremia 22:30

Kowa penell o baro Dewel: An ko liil, kai o bare rajengre laba dren tchinlo wenna, tchinenn kau mursheskro lab jaake, har te wals job kek tchawentsa, un koleske tchi mishto djas an peskro tselo djipen. Kek leskre tchawendar well baro rai pral o them Juda un beshdo ap o Davideskri beshepaskri.

Jeremia 22:4

Te rikrenn tumen ap kowa, palle djan bare raja dran o Davideskri familja ap graja un wurdja dren an kol bare wudja, an ko railo kheer, jon un lengre pralstune. Un ninna i menshe dran o them nai djan an ko railo kheer dren.

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Mateo 25:31

Un o Jesus penas: Ap ko diwes, kai well o Mensheskro Tchawo an peskro tselo railepen, un leha wenna i tsele bolepangre, palle hi lo o rai pral halauter, un rakrell o tchatchepen win pral i tsele menshende ap i phub.