2. Rajengro liil 11:14 - O Debleskro Drom 2021 (Sinte)

¹⁴ Un dikas o newo baro rajes kote tardo, kai i platsa o baro rajeske his: pash i bari lengsto bar. Un trul leste his i pralstune lurde un i phurdepangre tarde. Un i tsele menshe ko themestar his bachtelo un phurdan an pengre bashepangre. I Atalja tserdas peskre ripja an kotja un das gole: “Phukepen, Phukepen!”

O Debleskro Lab 2024 (Sinte-Manouche)

¹⁴ Oun dikas o nevo baro rayes kote tardo, kay i platsa o baro rayeske his: pash i bari lengsto bar. Oun troul leste his i pralstoune lourde oun i phourdepangre tarde. Oun i tsele menshe ko themestar his barhtelo oun phourdan an pengre bashepangre. I Atalya tserdas peskre ripya an kotya oun das gole: “Phoukepen, Phoukepen!”

2. Rajengro liil 11:14 ပူးပေါင်းရင်းမြစ်များ

1. Mose 37:29

Har was o Ruben pale pash i gruba un dikas, kai o Josef buder gar dren his, kras job peskre ripja paash i dukatar.

1. Mose 44:13

Koi kran le pengre koola an kotja i dukatar. Un hadan pengre gone pale ap i burike un djan pale an o foro.

1. Rajengro liil 1:25

Job djas kau diwes koi, un maras o Debleske mursh grumjen un thulle terne grumjen un bud bakre, un mukas tire tsele tchawenge te penell, te wenn le pash o chapen. Ninna i pralstune lurden, un o rashajes Abjatar mukas lo te well. Un kanna chan un pijenn le glan leste, un denn gole: ‘I rah djipen o baro rajeske Adonija!’

2. Rajengro liil 11:15

Un o rashai o Jojada kamas gar te well li maredo an o baro Debleskro kheer. Doleske penas lo kol pralstune lurdenge: “Anenn lat win! Un koon lake pal nashella, koles denn mulo o chareha!”

2. Rajengro liil 23:3

Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

2. Rajengro liil 9:13

Koi las sik hakeno peskri plaashka, tchiwas lat glan leste ap kol pralstune barra ko dromestar. Jon phurdan an i phurdepaskri un dan gole: “O Jehu hi baro rai!”

2. Rajengro liil 9:23

Koi rissras pes o Joram trujel, das an i herja un das gole ap o Ahasja: “Phukepen, Ahasja!”

1. Familjakro liil 12:40

Un jon his kote pash o David triin diwessa un chan un pijan, lengre phrala anan lenge chapen.

2. Familjakro liil 34:31

Un o baro rai his ap peskri platsa tardo un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi.

Gosewe laba 29:2

Te hi bud menshe koi, kai an o tchatchepen tardo hi, palle hi i tsele menshe bachtelo. Te hi i tchilatcho o rai pral lende, palle hi i tsele menshenge ropaske.

Louka 19:37

Har jon kote wan, kai djal o drom o djeteskri berga tele, dan leskre mala bari gole i bachtjatar, un sharan o Debles pral ko baro koowa, hoi job mashkral lende kras.