2. Rajengro liil 11:12 - O Debleskro Drom 2021 (Sinte)

¹² Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Un tchoras djet pral leskro shero, te well lo baro rai. Koi dan le halauter an i wasta un dan gole: O baro rai te djiwella!

O Debleskro Lab 2024 (Sinte-Manouche)

¹² Palle moukas o Yoyada o baro rayeskro čaves vin te vell, te nay dikell les hakeno, oun čivas leske koy rayeskri stadi ap o shero, oun das les ko liil, kay činlo hi, hoy te krell lo. Oun čoras djet pral leskro shero, te vell lo baro ray. Koy dan le halauter an i vasta oun dan gole: O baro ray te djivella!

2. Rajengro liil 11:12 ပူးပေါင်းရင်းမြစ်များ

2. Samuel 1:10

Koi djom pash leste, un dom les mulo. Me djinom, te nai djiwell job buder gar, jaake phares his lo dukedo. Un me lom leskri rajeskri stadi lestar tele, ninna ko sonakai ap leskri mussi, un anom kowa pash tute, miro rai.”

2. Samuel 12:30

Un las leskro baro rajeske peskro shereskro sonakai tele. Kowa his 35 (trijanda-te-pantch) kilogramme pharo un ap leste his kutch barra. Un kau shereskro sonakai tchiwan jon ap o Davideskro shero. Un job anas bud brawlepen dran ko foro krik.

2. Samuel 16:16

Un o Hushai, ko Davideskro maal, djas pash o Absalomeste, un das soreles gole: “O baro rai mu djiwella! O baro rai mu djiwella!”

2. Samuel 2:4

Un kol mursha dran o them Juda wan, un makan o Davides dren o djeteha, te well job baro rai pral ko kheer Juda. Un har o Davideske penlo was, kai kol mursha dran o foro Jabesh an o them Gilead o Saules paskran,

2. Samuel 2:7

Awenn sorele un tchatche mursha! O Saul, tumaro rai, hi mulo. Un i mursha dran o kheer Juda makan man o djeteha dren, te wap baro rai pral lende.”

2. Samuel 5:3

Har kol tsele phureder dran Israel pash o baro rajeste an o foro Hebron his, kras kote o baro rai David lentsa win, te well lo lengro baro rai. Un jon dan ap o baro Debleste gole, te shunell job kowa. Un jon tchoran djet pral o Davideskro shero, te well job baro rai pral o Israel.

1. Rajengro liil 1:25

Job djas kau diwes koi, un maras o Debleske mursh grumjen un thulle terne grumjen un bud bakre, un mukas tire tsele tchawenge te penell, te wenn le pash o chapen. Ninna i pralstune lurden, un o rashajes Abjatar mukas lo te well. Un kanna chan un pijenn le glan leste, un denn gole: ‘I rah djipen o baro rajeske Adonija!’

1. Rajengro liil 1:34

Un kote makenn le les dren o latcho djeteha, o rashai o Zadok, un o Debleskro rakepaskro, o Natan, te well lo baro rai pral Israel. Un tumer phurdenn an i phurdepangre un denn pashel gole: ‘I rah djipen o baro rajeske, o Salomo!’

1. Rajengro liil 1:39

Un o rashai Zadok las o djet dran o Debleskro plachteno kheer, un makas o Salomes koleha dren. Un jon phurdan an i phurdepangre, un i tsele menshe dan gole: “I rah djipen o baro rajeske, o Salomo!”

1. Rajengro liil 2:44

Un o baro rai penas dureder ap o Shimi: “Tu djineh an tiro dji ko tselo tchilatchepen, hoi kral miro dadeske, o Davideske. Kau tchilatchepen mukell o baro Dewel ap tiro shero te well.

2. Rajengro liil 11:11

Un i kliste his tardo glan o Debleskro kheer jek rigjatar bis ap i wawar, un glan o sasterni chatchepaskri, un trul o rajeste trujel. Un hakenes his peskro witsepaskro tchuri an o wast.

2. Rajengro liil 11:2

Kowa shunas i tchai o baro rajestar Joram. Lakro lab hi Josheba. Un lakro phraal his o Ahasja. Koja tchoras peskro phraleskro tchawes, o Joash, mashkral dran o rajeskre tchawende, kai wenn marede. Un anas les un koi djuwel, kai das ap leste garda, an i tchibjengri isema un khatras les glan i Atalja. Un jaake nai was lo gar maredo.

2. Rajengro liil 11:4

An o eftato bersh bitchras o rashai Jojada bitchepangre, un mukas kol pralstune lurden un klisten gole te dell, kai dan jak ap o rajeskro kheer. Un jon wan pash leste an o baro Debleskro kheer. Un kote las job lendar i sowel tele, te rikrenn le pash leste. Un job sikras len o rajeskro tchawo.

2. Rajengro liil 9:13

Koi las sik hakeno peskri plaashka, tchiwas lat glan leste ap kol pralstune barra ko dromestar. Jon phurdan an i phurdepaskri un dan gole: “O Jehu hi baro rai!”

2. Rajengro liil 9:3

Le ko khoro, kai djet dren hi, tchore kowa pral leskro shero un pen: ‘Jaake penell o baro Dewel: Me makau tut kau djeteha, te wess baro rai pral o Israel.’ Koi pal kre o wudar pre un naash tuke jaake sik har djala!”

2. Familjakro liil 23:11

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Palle tchoran o Jojada un leskre mursh tchawe djet pral leskro shero, te well lo baro rai, un dan gole: O baro rai te djiwella!

Ester 2:17

Un o baro rai kamas lat budeder har i tsele wawar djuwjen. An leskre jaka his li shukeder un feteder har haki wawar terni tchai. Un job tchiwas ko shereskro sonakai ap lakro shero, hoi i rani hidjrell. Un kras latar i newi rani, jaake har i Wasti glan late his.

Ester 6:8

mu wenn rajeskre koola anlo, ninna i rajeskro grai. Un ap leskro shero well i rajeskri stadi tchiddo.

Debleskri gili 132:18

Leskro railepen well baro un bareder. Un ap kolende, kai leske tchilatchepen kamenn, tchiwau bari ladj.

Debleskri gili 21:3

Kowa, hoi job o djijestar kamas, dal tu les, un kowa, hoi job tutar mangas, rikral gar pale.

Debleskri gili 21:4

Tu tchoral pral leste bacht pral bacht, tchiwal shereskro sonakai ap leskro shero.

Debleskri gili 47:1

I gili o rajeske pral i gipangre. Kai gili hi jekestar dran i familja Korach.

Debleskri gili 78:5

Job sikras o Jakobeskre tchawende, har te djiwenn le. Un sikras i Israelende peskro drom. Mare phurenge penas lo, te sikrenn jon pengre tchawende, har te djan le leskro drom.

Debleskri gili 89:39

Kanna, baro Dewel, tchiwal tu les pale, koles tu win rodal, te was lo baro rai, Tu mukal les te perell, un hal chojedo ap leste.

Debleskri gili 98:8

Tumer bare lengste panja, denn an i wasta! Tumer berge, giwenn i bachtjatar

2. Mose 25:16

An ko mochton tchip kol dui barra kol deesh labentsa, hoi me tut dau.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

Jesaja 55:12

Tumer djan bachteles win an o latchepen, un kek rikrell tumen pre. I bare un i tikne berge denn gole i bachtjatar, te dikenn le tumen. Un i ruka an o weesh denn an pengre wasta.

Jesaja 8:16

Tumer, kai shunenn ap mande, pandenn kau liil, kai tchinlo hi, hoi o Dewel mande sikras, un denn jak ap kol laba!

Jesaja 8:20

Rikrenn tumen ap o Debleskro drom, un ap kowa, hoi job tumende sikrell! Te penenn i menshe tumenge wawar koowa, palle well lenge kek momeli ap lengro drom.

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

Daniel 3:9

Un jon penan ap o baro rajeste Nebukadnezar: “O baro rai te djiwell hako tsireske!

Daniel 6:21

Un har job pash koi gruba was, das lo ropah gole pal o Daniel un penas: “Daniel, tu budepaskro o djido Deblestar, koles tu hako tsiro an-mangeh, nai las tut tiro Dewel win dran i lewengre mujendar?”

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

Mateo 27:29

Un jon pandan subjengre kashta khetne, un tchiwan len leske ap o shero, jaake har i baro rai hidjrell shereskro sonakai ap peskro shero. Ninna tchiwan le leske i kasht an leskro tchatcho wast. Un jon mukan pen glan leste ap i tchanga te perell, un kran jaake, har te mangans le i baro rajes an. Jon san pral leste, un penan: “Sharedo wess tu, tu baro rai pral i bibolde!”

Bičepangre 4:27

Tchatchepah, jon wan lauter an kau foro khetne: O Pilato, o Herodes, i Remarja, un i tsele bibolde dran bud themma. Jon hi chojemen ap tiro budepaskro Jesus, kai tutar was. Koles rodal tu win, maro Dewel, te well lo baro rai.

2. Korintarja 1:21

O Dewel krell men, ninna tumen lauteren, soreles an o patsepen ap o Jesus Kristeste. Job rodas men peske win,

Hebrearja 1:9

O tchatchepen kamal tu, un o tchilatchepen dikeh glan i jaka nai gar. Doleske rodas tut tiro Dewel win, te wess tu bareder un bachtleder har kolla, kai pash tute hi.

Hebrearja 2:9

Kones mer dikah, kowa hi o Jesus. Job his i tikno tsiro tikneder har i bolepangre, un meras i menshenge. Doleske kras o Dewel les baro un railo. Jaake latcho his o Dewel i menshenge, te bitchras lo o Jesuses lauterenge an o merepen.

Debleskro tsiro 19:12

Leskre jaka hi har i jag. Un ap leskro shero hi bud sonakai bud kutch barrentsa. Glan ap leskro shero hi i lab tchinlo. Koles prindjrell kek har job kokres.

1. Samuel 10:1

Un o Samuel las o khoro, kai o kutch djet dren hi, un tchoras les pral o Sauleskro shero. Un job tchumras les un penas: “Ko djet sikrella, te tchiwas tut o baro Dewel pral peskre menshende, te wess lengro rai.

1. Samuel 10:24

Un o Samuel penas ap i tsele menshende: “Kate dikenn, kones o baro Dewel win rodas. Kek hi jaake har job mank i tsele Israelitarja.” Koi dan i tsele menshe gole i bachtjatar un penan: “O baro rai te djiwell!”

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.