2. Rajengro liil 11:11 - O Debleskro Drom 2021 (Sinte)

¹¹ Un i kliste his tardo glan o Debleskro kheer jek rigjatar bis ap i wawar, un glan o sasterni chatchepaskri, un trul o rajeste trujel. Un hakenes his peskro witsepaskro tchuri an o wast.

O Debleskro Lab 2024 (Sinte-Manouche)

¹¹ Oun i kliste his tardo glan o Debleskro kheer yek rigyatar bis ap i vavar, oun glan o sasterni rhačepaskri, oun troul o rayeste trouyel. Oun hakenes his peskro vitsepaskro čouri an o vast.

2. Rajengro liil 11:11 ပူးပေါင်းရင်းမြစ်များ

2. Rajengro liil 11:10

O rashai Jojada das hako pralstuno lurdes kol witsepaskre tchurja un kol sasterne patria, kai o baro rajes, o Davides his, un an o baro Debleskro kheer pre-rikedo wan.

2. Rajengro liil 11:12

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Un tchoras djet pral leskro shero, te well lo baro rai. Koi dan le halauter an i wasta un dan gole: O baro rai te djiwella!

2. Rajengro liil 11:8

Jon hunte wenn tardo trul leste, hakeno peskro chareha an o wast. Koon phagell kote dren, kowa hunte well maredo. Atchenn pash o baro rajeste, te djal lo win un te djal lo dren!”

2. Familjakro liil 6:12

Un o Salomo djas glan koi chatchepaskri, kai o baro Debleske vieche chatchedo wenn. Un i tsele Israelitarja his ninna koi. Un job hadas peskre wasta an o bolepen.

2. Mose 40:6

Glan o Debleskro plachteno kheer tchip i sasterni chatchepaskri, kai i vieche o Debleske chatchedo wenna.

Ezekiel 8:16

Un job anas man dren ap koi tikni platsa glan o baro Debleskro kheer. Un glan o wudar o kherestar mashkral i glanstuni halla un i sasterni chatchepaskri his 25 (biish-te-pantch) mursha tardo. Kolla rissran pengre dume khatar o baro Debleskro kheer, un dikan ap koi rig, kai o kham pre djal. Un jon mukan pen ap i phub te perell, un mangan o kham an.

Joel 2:17

Penenn i rashajenge, kai budrenn o baro Debleske, te rowenn le ap i platsa mank o Debleskro kheer un leskri chatchepaskri, un penenn: Baro Dewel, kre tiro dji pre tire menshenge! Ma muk i menshen dran wawar themma men te praassell un sanell pral mende. Hoske te penenn le: ‘Kai hi lengro Dewel?’

Mateo 23:35

Tumer han tchilatcho har tumare phure. Jon maran i latche menshen jaake rah har i phub tardo hi: O latcho mursh Abel was maredo glan i tsele wawar menshende. Pal leste maran le wawar latche menshen bis ap ko tsiro, kai o Zachari maredo was, koleskro dad his o Barachi. O Zachares maran tumer mashkral o Debleskro kheer un i sasterni chatchepaskri, kai i vieche o Debleske chatchedo wenna. Doleske well i phagi ap tumende, kai kanna djiwenna.

Louka 11:51

O Abel was maredo glan i tsele wawar menshende. Pal leste maran le wawar menshen pale te pale. Pal lauterende wawarende was o Zachari maredo. Kowa was maredo pash i sasterni chatchepaskri an o Debleskro baro kheer. Tchatchepah, me penau tumenge: I tseli bibacht well ap kal menshende, kai kanna djiwenna.