2. Rajengro liil 10:9 - O Debleskro Drom 2021 (Sinte)

⁹ O wawar diwes taissarlakro djas job win glan o foreskro wudar un penas ap kol tsele menshende, kai kote hi: “Tumen hi kek doosh. Me krom, te hadenn pen i menshe ap miro rajeste, un dom les mulo. Koon das kal tsele wawaren mulo?

O Debleskro Lab 2024 (Sinte-Manouche)

⁹ O vavar dives taysarlakro djas yob vin glan o foreskro voudar oun penas ap kol tsele menshende, kay kote hi: “T'men hi kek doosh. Me krom, te hadenn pen i menshe ap miro rayeste, oun dom les moulo. Koon das kal tsele vavaren moulo?

2. Rajengro liil 10:9 ပူးပေါင်းရင်းမြစ်များ

2. Rajengro liil 10:6

Koi tchinas job i duito liil ap lende: “Te han tumer ap miri rig un shunenn ap mande, lenn kol sherja kol tchawendar tumaro rajestar un anenn len pash mande an Jesreel taissar an kau tsiro!” Kol efta-deesh tchawe o baro rajestar djiwan pash kol an-dikle murshende an ko foro, kai tserdenn len baro.

2. Rajengro liil 10:8

Har ko bitchepaskro pash leste was un leske penas “jon anan i sherja o baro rajeskre tchawendar”, penas job: “Tchiwenn len khetne ap dui platse glan o foreskro wudar, un atchenn len kote bis taissar.”

2. Rajengro liil 12:21

Un leskre pralstune budepangre kran pen khetne, te denn le les mulo. Un dui lendar dan les mulo an o kheer pash o Millo, ap ko drom, kai djal an o foreskro kotar, hoi kharell Silla. Kol dui his o Josachar, koleskro dad o Shimat hi, un o Josabad, koleskro dad o Shomer hi. Un jon paskran les pash peskre phurende an o Davideskro foro. Un leskro tchawo, o Amazja, was baro rai pal leste.

Jesaja 5:3

Kanna awenn, tumer menshe an o foro Jerusalem un an o them Juda, un krenn o tchatchepen win mashkral mande un miro drakengro them!

Hosea 1:4

Un o baro Dewel penas ap leste: De les ko lab Jesreel! An i tikno tsiro anau ap o rajeskro kheer koi doosh pale, hoi o baro rai, o Jehu, ap peste anas, har maras lo bud mire menshendar an i tala Jesreel. Un krau, te hi o themes Israel buder kek rai.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”