2. Rajengro liil 10:5 - O Debleskro Drom 2021 (Sinte)

⁵ Ko pralstuno pral o Ahabeskro kheer un o moskro un i phureder an o foro un kolla, kai tserdenn o Ahabeskre tchawen baro, kolla bitchran jekes pash o Jehu, un mukan leske te penell: “Mer ham tire budepangre. Mer krah lauter, hoi tu menge peneh. Mer kamah kek wawar baro rai pral mende. Kre, hoi an tire jaka mishto hi!”

O Debleskro Lab 2024 (Sinte-Manouche)

⁵ Ko pralstouno pral o Ahabeskro kheer oun o moskro oun i phoureder an o foro oun kolla, kay tserdenn o Ahabeskre čaven baro, kolla bičran yekes pash o Yehou, oun moukan leske te penell: “Mer ham tire boudepangre. Mer krah lauter, hoy tou menge peneh. Mer kamah kek vavar baro ray pral mende. Kre, hoy an tire yaka mishto hi!”

2. Rajengro liil 10:5 ပူးပေါင်းရင်းမြစ်များ

1. Rajengro liil 20:32

Jaake pandan le gone trul pende un tchiwan dorja trul lengre menja, djan pash o baro rajeste pral Israel, un penan: “Tiro budepaskro, o Ben-Hadad, penell: Muk mange miro djipen!” Kote putchas job: “Hi lo gomme djido? Miro phraal hi job.”

1. Rajengro liil 20:4

Kote penas o baro rai pral Israel pale pale: “Miro baro rai un pralstuno, jaake har tu peneh, jaake hi. Me hom tiro, un halauter, hoi man hi, hi ninna tiro.”

2. Rajengro liil 10:6

Koi tchinas job i duito liil ap lende: “Te han tumer ap miri rig un shunenn ap mande, lenn kol sherja kol tchawendar tumaro rajestar un anenn len pash mande an Jesreel taissar an kau tsiro!” Kol efta-deesh tchawe o baro rajestar djiwan pash kol an-dikle murshende an ko foro, kai tserdenn len baro.

Jeremia 27:17

Ma denn garda ap lengre laba! Mukenn o baro rajes dran Babilonia tumaro rai te well! Palle atchenn djido! Hoske te well kau foro i mulo foro?

4. Mose 11:12

Hi kalla halauter mire tchawe? Wan jon mandar boldo? Har nai peneh tu ap mande: Hidje len an tire mussja, har i djuwel, kai hidjrell i ternepen, te anap len an ko them, kolestar penal lengre phurenge, te dess ko them lenge?

Johanni 12:26

Koon kamell mange koi te well, kowa hunte djal mantsa. Kote, kai me hom, hi ninna kowa, kai mange koi hi. Kowa, kai mange koi hi, well sharedo miro dadestar.

Josua 9:11

Un har kowa shunam, penan mare phureder un halauter, hoi an maro them djiwenn, ap mende: ‘Lenn kowa, hoi tumen o djipaske hunte well, tumentsa ap o drom! Un djan kote pash lende un penenn ap lende: Tumare budepangre ham, un krenn mentsa win, te krenn kek kurepen mentsa!’

Josua 9:8

Un jon penan ap o Josua: “Tire budepangre ham mer!” Un o Josua putchas: “Koon han tumer? Dran hawo them wenn tumer?”