2. Rajengro liil 1:6 - O Debleskro Drom 2021 (Sinte)

⁶ Jon penan ap leste: “Koi was i mursh pash mende, har mer ap o drom hams, un penas ap mende: ‘Djan pale pash o baro rajeste, kai bitchras tumen, un penenn ap leste: Kowa penell o baro Dewel: Hi kai kek Dewel an Israel? Hoske bitchreh murshen pash o Baal-Sebub, ko dewel pral Ekron, te putchess lestar? Doleske weh tu gar buder tiro tchiben tele, kai tu pre tchiddo hal. Tchatchepah tu mereh.’”

O Debleskro Lab 2024 (Sinte-Manouche)

⁶ Yon penan ap leste: “Koy vas i morsh pash mende, har mer ap o drom hams, oun penas ap mende: Djan pale pash o baro rayeste, kay bičras t'men, oun penenn ap leste: Kova penell o baro Devel: Hi kay kek Devel an Israel? Hoske bičreh morshen pash o Baal-Seboub, ko devel pral Ekron, te poučess lestar? Doleske veh tou gar bouder tiro čiben tele, kay tou pre čiddo hal. Čačepah tou mereh.”

2. Rajengro liil 1:6 ပူးပေါင်းရင်းမြစ်များ

1. Rajengro liil 18:7

Har o Obadja jaake ap o drom his, kote was leske o Elija pash leste. O Obadja prindjras les, peras glan leste tele ap i phub un putchas: “Hal tu tchatchepah o Elija, miro rai?”

2. Rajengro liil 1:5

Un har kol bitchepangre pale pash o baro rajeste wan, putchas job: “Hoske wan tumer pale?”

2. Rajengro liil 1:7

Job putchas lendar: “Har dikas ko mursh win, koles dikan ap o drom, un ko tumenge kowa penas?”

Debleskri gili 16:4

Bud hi i duka kolendar, kai nashenn i wawar debleske palla. Me kamau kol chochene deblenge kek rat win te tchorell. Witar gar kamau lengro lab an miro mui te lell.