2. Rajengro liil 1:3 - O Debleskro Drom 2021 (Sinte)

³ Koi penas o baro Debleskro bolepaskro ap o Elija, – kowa his dran Tishbe: “Dja pash kol bitchepangre o baro rajestar dran Samaria, un pen ap lende: ‘Hi kai kek Dewel an Israel? Hoske djan tumer, te putchenn kol deblestar dran Ekron, o Baal-Sebub?

O Debleskro Lab 2024 (Sinte-Manouche)

³ Koy penas o baro Debleskro bolepaskro ap o Eliya, – kova his dran Tishbe: “Dja pash kol bičepangre o baro rayestar dran Samaria, oun pen ap lende: Hi kay kek Devel an Israel? Hoske djan t'mer, te poučenn kol deblestar dran Ekron, o Baal-Seboub?

2. Rajengro liil 1:3 ပူးပေါင်းရင်းမြစ်များ

1. Rajengro liil 11:33

O Salomo mukas man, un mangas i Astarte an, kai debletsa, hoi i Sidonarja an-mangenn. Ninna mangas lo o Kemosh an, ko dewel, hoi i Moabarja an-mangenn, un o Milkom, ko dewel, hoi i Ammonarja an-mangenn. Job djas gar ap mire dromma un kras gar, hoi mishto hi glan mire jaka. Pal mire laba un miro tchatchepen djiwas lo gar, har kowa leskro dad, o David kras.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 18:1

Pal i rah tsiro, an o triinto bersh, kai bokenn le, penas o baro Dewel ap o Elija: “Dja, muk tut te dikell glan o Ahab. Me mukau o brishin te well ap i phub!”

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

1. Rajengro liil 19:5

Un kote tchiwas lo pes tele un sowas dren tel kol burra. Un ap jek kopo was i bolepaskro. Ko tapras les an un penas ap leste: “Ste pre un cha!”

1. Rajengro liil 19:7

Kote was o bolepaskro o baro Deblestar o duito kopo, tapras les an un penas: “Ste pre un cha, i dur drom hi glan tute.”

1. Rajengro liil 21:17

Kote penas o baro Dewel ap o Elija dran Tishbe:

2. Rajengro liil 1:2

Ko baro rai, kai pal o Ahab was, his o Ahasja. His i diwes, har his lo an peskri pralstuni isema an o foro Samaria, koi peras lo tele dran i wochni un dukras pes. Un job bitchras murshen an o foro Ekron un penas ap lende: “Djan koi un putchenn o deblestar Baal-Sebub, – kowa hi o dewel o forestar Ekron: Wau me pale sasto?”

2. Rajengro liil 1:6

Jon penan ap leste: “Koi was i mursh pash mende, har mer ap o drom hams, un penas ap mende: ‘Djan pale pash o baro rajeste, kai bitchras tumen, un penenn ap leste: Kowa penell o baro Dewel: Hi kai kek Dewel an Israel? Hoske bitchreh murshen pash o Baal-Sebub, ko dewel pral Ekron, te putchess lestar? Doleske weh tu gar buder tiro tchiben tele, kai tu pre tchiddo hal. Tchatchepah tu mereh.’”

2. Rajengro liil 1:8

Jon penan ap leste: “Les his i plaashka ap leste dran viechengro bal. Un i ledertikro pereskri dori his trul leste pandlo.” Koi penas job: “Kowa hi o Elija dran Tishbe.”

2. Rajengro liil 5:15

Un job djas pale pash ko Debleskro mursheste lauterentsa, kai pash leste hi, djas glan leste un penas: “Kanna djinau me, kai hi kek Dewel ap i tseli phub, kokres an Israel. Kanna le tchomone mandar, te parkrap man pash tute.”

2. Rajengro liil 5:8

Har o Elisa, ko Debleskro mursh, kowa shunas, bitchras job murshen pash leste, te putchenn kolla lestar: “Hoske tserdal tu tire koola tutar? Muk ko murshes pash mande te well, te dikell job, kai i Debleskro rakepaskro an Israel hi!”

Debleskri gili 76:1

I gili o rajeske pral i gipangre, te giwell pash o bashepen ap i dorjengre bashepangre. O Asaf kras kai gili.

Jesaja 8:19

Nai well, te penenn i menshe tumenge: “Putchenn kolen, kai i mulentsa rakrenn, un putchenn i drawepangren, kolla, kai rakrenn lokes glan pende.” Ap kolende penenn: “Hunte putchenn gar i menshe pengro debles? Putchenn le i mulen i djidenge?”

Jona 2:8

Har kamas miro djipen an mande tele te merell, wal tu baro Dewel mange an o shero, pash tute was miro mangepen, an tiro kheer, kai tu khere hal.

Markus 3:22

Un i biboldengre tchatchepangre, kai wan dran o foro Jerusalem tele, penan: “O pralstuno beng hi an leste!” Un jon penan ninna: “O pralstuno beng das les i soor, te nai tradell job i bengen win.”

Bičepangre 8:26

O Debleskro bolepaskro penas ap o Filipo: “Ste pre un dja ap ko drom, kai djal dran Jerusalem tele an ko foro Gaza. Ap ko drom hi gar bud menshe.”

1. Samuel 17:46

Kau diwes dell o baro Dewel tut an miro wast. Un me dau tut mulo, un dau tiro shero tutar tele. Un kau diwes dau i tsele mule lurden tumendar Filistarja i tchirklende tel o bolepen te chal un i diwje viechende ap kai phub. Palle dikenn un haiwenn le an i tsele themma, te hi i Israelitarjen i Dewel.