2. Rajengro liil 1:17 - O Debleskro Drom 2021 (Sinte)

¹⁷ Un o Ahasja meras. Kowa was jaake har o baro Dewel rakras, un o Elija ap o Ahasja penas. Les his kek tchawo. Doleske was pal leste leskro phraal, o Joram, o baro rai. Leskro dad his o Josafat. An ko tsiro his o Joram an o duito bersh baro rai pral o them Juda.

O Debleskro Lab 2024 (Sinte-Manouche)

¹⁷ Oun o Ahasya meras. Kova vas yaake har o baro Devel rakras, oun o Eliya ap o Ahasya penas. Les his kek čavo. Doleske vas pal leste leskro phraal, o Yoram, o baro ray. Leskro dad his o Yosafat. An ko tsiro his o Yoram an o douyto bersh baro ray pral o them Youda.

2. Rajengro liil 1:17 ပူးပေါင်းရင်းမြစ်များ

1. Rajengro liil 17:16

Ko jarro an i piri djas gar win, un an o khoro his doha djet, jaake har o baro Dewel ap o Elija penas, un job i djuwjake penas.

1. Rajengro liil 22:38

Un har jon o wurdin win thowan pash o tikno pani an Samaria, kote pijan i djukle leskro rat. Un i lubja thowan pen kote. Jaake was tchatcho, hoi o baro Dewel penas.

1. Rajengro liil 22:42

O Josafat his 35 (trijanda-te-pantch) bersha, har was lo baro rai. 25 (biish-te-pantch) bersh his lo baro rai un djiwas an kau tsiro an o foro Jerusalem. Leskri dai his i Asuba, kolakro dad o Shilhi his.

1. Rajengro liil 22:51

Un o Josafat meras, un was paskedo pash peskre phurende an o Davideskro foro. Un leskro tchawo, o Joram, was baro rai pal leste.

2. Rajengro liil 1:18

Ko wawar koowa, hoi o Ahasja lauter kras, kowa hi tchinlo an i familjakro liil i bare rajendar pral o Israel.

2. Rajengro liil 10:17

Har job an Samaria was, das job mulo lauteren, kai atchan pral o Ahabeskre menshendar an Samaria. Kek lendar atchas djido. Lauter was jaake har o baro Dewel kowa ap o Elija penas.

2. Rajengro liil 3:1

O Ahabeskro tchawo, o Joram, was o baro rai pral o them Israel, har o Josafat 18 (deesh-te-ochta) bersha o baro rai pral o them Juda his. O Joram djiwas an o foro Samaria, un his 12 (deesh-te-dui) bersha baro rai pral o them Israel.

2. Rajengro liil 9:36

Un jon wan pale un penan kowa ap o Jehu. Koi penas job: Kowa was jaake, har mukas o baro Dewel peskro budepaskres glan-wi te penell. Job, o Elija dran Tishbe, penas: “Ap o kotar them glan Jesreel chan i djukle i Isebelakro mass.

2. Familjakro liil 17:1

Un leskro tchawo, o Josafat, was o baro rai pal leste. Job sikras pes soreles pral o Israel.

5. Mose 34:5

Un o Mose, koles o baro Debleskro tchatcho wast hi, meras kote an o them Moab, jaake har o baro Dewel les penas.