2. Rajengro liil 1:14 - O Debleskro Drom 2021 (Sinte)

¹⁴ Tu djineh, jag peras dran o bolepen un chatchras kol dui pralstunen pre pengre lurdentsa, kai wan glan mande pash tute. Kanna muk man ap o djipen, te djal mange gar har lenge!”

O Debleskro Lab 2024 (Sinte-Manouche)

¹⁴ Tou djineh, yag peras dran o bolepen oun rhačras kol douy pralstunen pre pengre lourdentsa, kay van glan mande pash toute. Kanna mouk man ap o djipen, te djal mange gar har lenge!”

2. Rajengro liil 1:14 ပူးပေါင်းရင်းမြစ်များ

2. Rajengro liil 1:13

Koi bitchras o baro rai pale o triinto kopo i pralstuno lurdes, kai his les penepaske pral paash-sheel lurdende. Un kolla wan leha. Har kowa pash o Elija was, djas job glan o Elija ap peskre tchanga, mangas lestar peskro djipen un penas: “Debleskro mursh, muk te well miro djipen kutch glan tire jaka, ninna o djipen kal paash-sheel murshendar.

2. Rajengro liil 1:15

Koi penas o baro Debleskro bolepaskro ap o Elija: “Dja leha tele, un ma traash!” Un job djas leha tele pash o baro rajeste,

Debleskri gili 116:15

O baro Dewel dikell i dukentsa ap o merepen peskre menshendar.

Debleskri gili 49:8

Kek menshes hi doha lowe, te nai ginell lo peskro phraleskro djipen o Deblestar, un peskro djipen witar gar.

Debleskri gili 72:14

Job lell len win dran o wast kolendar, kai lenge o djipen phares kran. Un kolendar, kai len dawa dan, lell lo len krik. Lengro djipen hi leske bud moldo.

Gosewe laba 6:26

Tu djineh, i lubjake hunte dess gar budeder har jek maro. I romjake i wawar murshestar hunte dess tiro djipen.

Bičepangre 20:24

Me dau tchi buder ap miro djipen. Jek koowa kamau me an miro djipen te krell: Me kamau koi budi te krell, hoi das man maro rai Jesus: Job penas mange, te penap i menshenge, har latcho o Dewel lenge hi, un har kras job i drom, te nai wenn le pash leste.

1. Samuel 26:21

Un o Saul penas: “Me lom doosh ap mande, miro tchawo. Am pale pale! Me kamau tuke buder kek tchilatchepen te krell. Dikau, miro djipen his kau diwes kutch an tire jaka! Kowa hoi me krom, his dineles, un anom bari doosh ap mande!”

1. Samuel 26:24

Dik, jaake har tiro djipen an mire jaka bud moldo his, jaake well miro djipen an o baro Debleskre jaka bud moldo. Un job lell man win dran halauter, hoi miro djipen phares krell.”