2. Rajengro liil 1:10 - O Debleskro Drom 2021 (Sinte)

¹⁰ O Elija penas ap ko pralstuno lurdeste: “Te hom me i Debleskro mursh, jaake mu perell jag dran o bolepen un chal tut un tire paash-sheel lurden pre.” Koi peras jag dran o bolepen un chas les un kol paash-sheel murshen pre.

O Debleskro Lab 2024 (Sinte-Manouche)

¹⁰ O Eliya penas ap ko pralstouno lourdeste: “Te hom me i Debleskro morsh, yaake mou perell yag dran o bolepen oun rhal tout oun tire paash-sheel lourden pre.” Koy peras yag dran o bolepen oun rhas les oun kol paash-sheel morshen pre.

2. Rajengro liil 1:10 ပူးပေါင်းရင်းမြစ်များ

1. Rajengro liil 22:28

Kote penas o Micha: “Te weh tu sasto pale pale, palle rakras o baro Dewel gar dran miro mui.” Un palle penas lo: “Shunenn kowa, tumer menshe an i tsele themma!”

2. Rajengro liil 1:11

Un o baro rai bitchras pale i wawar pralstuno lurdes pash leste, kai his les penepaske pral paash-sheel lurdende. Un kol paash-sheel las job peha. Un kowa was pash leste un penas: “Debleskro mursh, o baro rai penell: ‘Am sik pral tele!’”

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Hiob 1:16

Ko budepaskro rakras gomme, koi was i wawar un penas ap o Hiob: “Jag dran o bolepen peras tele, un chatchras i bakre un i busja un tire budepangre, kai ap lende jak dan. Un me nai nashom, me kokres, te penap kowa tuke.”

Debleskri gili 105:15

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

Debleskri gili 106:18

Un i jag chatchras mank lende un chatchras kolen, kai kau tchilatcho koowa kran.

Daniel 3:22

Un jaake har o baro rai penas, te krenn le, chatchras i jag an o bob soreles, jaake soreles, te tapras li kol murshen, kai kol trinen, o Shadrach un o Meshach un o Abed-Nego pre anan. Un kol mursha chatchran pre.

Daniel 3:25

Job penas: “Me dikau star murshen, kai an i jag trujel djan. Un jon hi buder gar pandlo, un kek dukepen hi ap lende. Un ko starto dikell win har i bolepaskro.”

Daniel 6:24

Kote stas o baro rajeskro dji i bachtjatar. Un job penas, te lenn le o Danieles win dran koi gruba. Un o Daniel was win lino, un kek dukepen was ap leste hatslo, doleske kai rikras job soreles ap peskro Debleste.

3. Mose 10:2

Kote djas jag o baro Deblestar win, un chatchras len pre. Jon meran kote glan o baro Debleste.

4. Mose 11:1

Un kol menshe penan glan o baro Debleskre kanda, kai lenge djungeles djala. Un har o baro Dewel kowa shunas, was job chojedo un bitchras i jag, hoi chatchras win ap i platsa, kai lengre plachtene khera his.

4. Mose 16:35

Un o baro Dewel bitchras jag, kai chas kol 250 (dui-sheel-te-paash-sheel) murshen pre, kai anan ko sungepaskro koowa o Debleske.

Mateo 21:41

Penan le ap o Jesuseste: “Job marell kol tchilatche murshen. Les khaitenn jon gar. Un job dell ko kotar them kol wawarende, kai leske i drake an o tchatcho tsiro dren anenna.”

Louka 9:54

Har leskre mala, o Jakobo un o Johanni, kowa dikan, penan jon ap leste: “Rai, te kameh tu, mukah mer jag dran o bolepen tele te perell, hoi chatchrell len.”

Bičepangre 12:19

Har o Herodes penas, te well o Petro win anlo, un job buder gar koi his, mukas lo les te rodell. Un jon hatsan les gar. Koi putchas lo i lurdendar, kai dan jak glan o wudar, har was nai o Petro win. Un palle mukas job kolen te marell. Palle djas o Herodes dran o them Judea, un was an o foro Cesarea, un atchas i tsiro kote.

Hebrearja 12:29

Ma bistrenn, maro Dewel hi jaake har i soreli jag!

Debleskro tsiro 11:5

Un te kamell jek te dukrell lo len, palle djal i jag dran lengro mui win, un chatchrell les pre. Jaake merenn lauter kolla, kai kamenn len tchilatchepen te krell.