2. Rajengro liil 1:1 - O Debleskro Drom 2021 (Sinte)

¹ Har o baro rai Ahab mulo his, kaman i menshe an o them Moab buder gar, te well o Israel o rai pral lende, un peran lestar tele.

O Debleskro Lab 2024 (Sinte-Manouche)

¹ Har o baro ray Ahab moulo his, kaman i menshe an o them Moab bouder gar, te vell o Israel o ray pral lende, oun peran lestar tele.

2. Rajengro liil 1:1 ပူးပေါင်းရင်းမြစ်များ

2. Samuel 8:2

Job das ninna kol Moabarja un penas, te tchiwenn le pen ap i phub. Un dui i trinendar kras lo mulo, un jek i trinendar mukas lo djido. Jaake was o Davides penepaske pral kol Moabende. Un jon hunte dan les rup un sonakai.

2. Samuel 8:6

Un job tchiwas moskre dren an lengro them. Un o Davides was penepaske pral i Syrarja, un jon hunte dan les rup un sonakai. Jaake his o baro Dewel o Davideske ap i rig, kai lo ninna djas.

2. Rajengro liil 8:20

An ko tsiro, kai o Joram baro rai his, phagan i menshe dran Edom o baro rajeha an Juda un tchiwan i wawar baro rajes pral pende dren.

2. Rajengro liil 8:22

Pal kowa his kol Edomarja buder gar an i wasta kol menshendar dran o them Juda bis ap kau diwes. An ko tsiro peran ninna kolla an o foro Libna o themestar Juda tele.

1. Familjakro liil 18:2

Ninna das lo i Moabarja. Un jon wan o Davideskre budepangre un hunte plaissran ap leste, hoi lo lendar kamas.

Debleskri gili 60:8

O Dewel penas an peskro kheer, kai job djiwell: “Me wom o sorleder”, “Me dau o foro Sichem mire menshende, un ninna i tala Sukkot.

4. Mose 24:7

An o Israeleskro them hi bud pani, un leskri phub, kai o djob un o gib bares wenna, hi budeder har doha pani. Leskro baro rai well bareder har o Agag. Un leskro them un leskre menshe wenn sorleder har i wawar menshe trul lende.