2. Mose 9:31 - O Debleskro Drom 2021 (Sinte)

³¹ Jaake was o djob paash dino, ninna ko senlepen, hoi kharella ‘Flachs’. O djob his baro un pherdo, un o Flachs djas pre.

O Debleskro Lab 2024 (Sinte-Manouche)

³¹ Yaake vas o djob paash dino, ninna ko zenlepen, hoy kharella Flaks. O djob his baro oun pherdo, oun o Flaks djas pre.

2. Mose 9:31 ပူးပေါင်းရင်းမြစ်များ

2. Samuel 21:9

Un o David das len an kol wasta i Gibeonendar. Kolla bladan len pre ap koi berga glan o baro Debleste. Jaake wan kol efta ap jek kopo maredo. Kowa his an kol diwessa, kai was o djob tele tchinlo.

2. Mose 9:32

O gib un o wawar djob, hoi gomme gar pre djas, wan gar paash dino.

Amos 4:9

Me bitchrom i tato phurdepen un i nasslepen ap tumaro djob, jaake te meras o djob tele. Ninna chan i stepangre lauter, hoi bares was an tumari baar un an tumaro drakengro them, ap tumare faigetikre ruka un djeteskre ruka. Ninna palle wan tumer gar pale pash mande, penell o baro Dewel.

Habakuk 3:17

O faigetikro ruk hi gomme gar senelo, un ap i drakengre ruka hi kek drake. O djeteskro ruk hidjrell kek djeteskre drake. un ap i hachetikri phub well kek djob baro. Kek bakre hi win, un kek grumja hi tarde an i stanja.

Ruth 1:22

Jaake was i Naomi pale dran o them Moab. Un lah was lakro tchaweskri romni, i Rut. Kaja his i djuwel dran o them Moab. Kowa his an ko tsiro, kai lan le o djob dren, har wan le an o foro Betlehem.

Ruth 2:23

Un jaake rikras li pes pash kol djuwjende, kai o Boaseske budran, un las djob khetne an ko tselo tsiro, kai anan le o djob un o gib dren. Un pal kai tsiro atchas li khere pash peskro romeskri date.