2. Mose 9:21 - O Debleskro Drom 2021 (Sinte)

²¹ Kolla, kai mukan penge kol laba, hoi o baro Dewel penas, gar an o dji te djal, kolla mukan pengre budepangren un pengre viechen win.

O Debleskro Lab 2024 (Sinte-Manouche)

²¹ Kolla, kay moukan penge kol laba, hoy o baro Devel penas, gar an o dji te djal, kolla moukan pengre boudepangren oun pengre firhen vin.

2. Mose 9:21 ပူးပေါင်းရင်းမြစ်များ

1. Familjakro liil 22:19

Kanna denn tumaro djipen un tumaro dji o baro Debleste, kai tumaro Dewel hi! Un stenn pre un krenn leske i kheer, kai leske kokres hi. Kote te well o mochton o baro Debleskre deesh labentsa dren tchiddo, ninna ko wawar Debleskro koowa. Kau kheer krenn tumer, te well o baro Dewel sharedo.”

Hiob 34:14

Te lals job peske glan, te lell lo peskro djipaskro ducho palpale o menshestar,

Hiob 7:17

Hoi hi o mensho, te dikess tu ap leste, har te well lo komone baro? Hoske rissreh tu tiro tselo dji pash leste?

2. Mose 7:23

Un o Farao rissras pes trujel un djas pale an peskro kheer un mukas peske kowa gar an o dji te djal.

2. Mose 9:20

Kol Faraeskre pralstune, kai daran, hoi o baro Dewel penas, kolla mukan pengre budepangren un viechen an i khera te anell.

2. Mose 9:22

Un o baro Dewel penas ap o Mose: “Hade tiro wast pre ap o bolepen! Palle dell brishin, hoi hi har barra, ap i menshende, ap i viechende un ap o tselo senlepen ap i hachetikri phub an o tselo them Egiptia.”

Gosewe laba 22:3

Koles i gosewo dji hi, kowa dikell, har i bibacht wella un khatrell pes. Kolen tchi an o shero hi, kolla nashenn dureder, un i bibacht well ap lende.

Gosewe laba 24:32

Un me dikom kowa, un mukom les an miro dji te djal; un kowa sikras mange:

Ezekiel 40:4

Un ko mursh penas ap mande: Tu, mensho, dik un shun mishto, un de jak ap halauter, hoi sikrau tut. Doleske wal tu kate anlo, te sikrap kowa tuke. Halauter, hoi kate dikal, pen i menshenge dran o kheer Israel!

Daniel 10:12

Un job penas ap mande: “Daniel, ma dare! O Dewel shunas tire laba fun o ersto diwes an, har kamal tiro tselo djijeha o dikepen te haiwell, un tut tiknes kral glan tiro Debleste. Un kol labenge, hoi tu rakral, wom me.

1. Samuel 4:20

Un har joi ap o merepen tchiddo his, penan i djuwja, kai pashel tardo hi: “Ma dare, tut hi i mursh tchawo.” Joi penas tchi koi pre, un mukas kowa gar an peskro dji te djal.