2. Mose 8:3 - O Debleskro Drom 2021 (Sinte)

³ Koi wan i durkepangre un kran pengri sorjah ninna jaake, un mukan ninna djambe pral o them Egiptia te well.

O Debleskro Lab 2024 (Sinte-Manouche)

³ Koy van i dourkepangre oun kran pengri zoryah ninna yaake, oun moukan ninna djambe pral o them Egiptia te vell.

2. Mose 8:3 ပူးပေါင်းရင်းမြစ်များ

2. Familjakro liil 22:11

Jek kol tchendar o baro rajestar – lakro lab hi Josheba – tchoras o tikno tchawes peskro phralestar Ahasja mashkral dran o rajeskre tchawende, kai wenn marede. O tikno tchawo kharas Joash. Un i Jocheba anas les un koi djuwel, kai das ap leste garda, an i tchibjengri isema. Jaake khatras li les i glan i Atalja, te was lo gar maredo. I Josheba his i tchai o baro rajestar, o Joram, un i romni o rashajestar, o Jojada. O Ahasja his lakro phraal.

Debleskri gili 105:30

Job kras o tselo them pherde djambe, ninna kote, kai i bare raja sowenna, his le.

2. Mose 10:6

Un tiro kheer un i khera, kai tire pralstune un i wawar Egiptarja djiwenn, wenn pherdo stepangre. Sawo koowa was gar diklo an o them Egiptia, jaake rah har tire phure an kau them djiwan.’” Pal kowa rissras pes o Mose un djas peske dran o Faraeskro kheer win.

2. Mose 12:34

Jaake lan i Israelitarja i tchare, kai ko maro dren hi, hoi gomme gar peklo was, un kai kek shutlo jarro dren his, un tchiwan kol tchare an pengre koola, un hidjran len ap pengro phik.

2. Mose 7:11

Kote mukas o Farao i gosewe murshen un i durkepangren gole te dell. Un kol egiptikre durkepangre kran emligo koowa an pengri soor.

2. Mose 8:11

Har dikas o Farao, te hi i bibacht lestar krik, jaake har leske penlo was, kote pandas job pale peskro dji un shunas gar ap lende. Jaake was, hoi o baro Dewel penas.

2. Mose 8:2

Kote rikras o Aron peskro wast pral i panja an o them Egiptia. Un i djambe wan pre, un his jaake bud, te his o tselo them lentsa pherdo.

2. Mose 8:4

Kote mukas o Farao o Moses un o Arones pash peste gole te dell un penas: “Mangenn o baro Debles, te lell lo i djambe mandar un mire menshendar krik! Palle mukau i Israelitarjen te djal, te nai denn le o baro Debleske viechen temerl.”