2. Mose 8:19 - O Debleskro Drom 2021 (Sinte)

¹⁹ Un tu dikess, te hi wawartchandes pash mire menshende har pash tire menshende. Ko baro koowa well taissar pral tumende.’”

O Debleskro Lab 2024 (Sinte-Manouche)

¹⁹ Oun tou dikess, te hi vavarčandes pash mire menshende har pash tire menshende. Ko baro koova vell taysar pral t'mende.”

2. Mose 8:19 ပူးပေါင်းရင်းမြစ်များ

1. Mose 41:24

Un kol sane halme chan kol efta pesse halme. Un me penom kowa, hoi dom suni, kol durkepangre. Un kek his koi, kai penell nashte mange, hoi kol sunja mange penenna.”

Debleskri gili 8:3

Dran o mui i tchawendar un tikne tchawendar wenn kol laba, hoi sharenn tut. Jaake hunte rikrenn pengro mui kolla, kai kamenn tut gar un hi chojedo ap tute.

2. Mose 10:23

Jaake kales his, te nai dikas jek o wawares gar. Un kek stas kote pre, kai job his. Pash i Israelitarja his diwes, kote kai jon djiwan.

2. Mose 10:7

Kote penan i pralstune ap o Farao: “Har rah anell kau mursh gomme bibacht pral mende? Muk kol menshen te djal, te mangenn le lengro baro Debles an. Haiweh tu gar, te djal i tseli Egiptia nashedo?”

2. Mose 11:7

Hi wawartchandes pash i Israelitarja. Kote dell kek djuklo gole, gar ap i mensheste, witar gar ap i viecheste. Jaake te dikenn un haiwenn tumer, te djinell o baro Dewel, koon Egiptari hi un koon Israelitari hi.

2. Mose 7:13

Har dikas o Farao kowa, atchas leskro dji pandlo, un job shunas gar ap lende. Jaake was, hoi o baro Dewel penas.

2. Mose 7:4

Un o Farao shunella gar ap tumende, ninna te well miri choli bud kope pral leste un leskro them. Un palle lau mire menshen, i Israelitarja, win dran o them Egiptia.

2. Mose 7:5

Un kol Egiptarja dikenn un haiwenn, kai hom me o baro Dewel, te hadau me miro wast pral o them Egiptia un lau i Israelitarja mashkral lende win.”

2. Mose 9:26

Kokres an o them Gosen, kai i Israelitarja djiwan, kote peras kek barrengro brishin tele.

2. Mose 9:4

Kau baro nasslepen well gar ap i viechende, hoi i Israelitarjen hi. O baro Dewel krell wawartchandes pash i Egiptarja har pash i Israelitarja. Kolendar merell kek viecho.”

Daniel 2:19

Un an i rati dikas o Daniel i dikepen un leske was koi suni sikedo. Un o Daniel sharas o bolepaskro Debles,

Mateo 12:28

Na-a, gar o beng das man koi soor. O Debleskro Ducho das man koi soor, te nai tradap i bengen win. Koi pre dikenn tumer, kai ko tsiro was, kai o Dewel i menshen dran o tchilatchepen win lella, un leskri soor mank tumende hi.

Louka 11:20

Na-a, me tradau i bengen dran o Debleskri soor win. Ap kowa dikenn tumer, kai ko tsiro was, kai o Dewel i menshen dran o tchilatchepen win lella, un leskri soor mank tumende hi.

Johanni 11:47

Doleske wan kol bare rashaja un kol Farisarja i pralstune biboldentsa khetne, un penan: “Hoi kras mer? Job krell bud baro un sorelo koowa, hoi kek wawar nai krell.

Bičepangre 4:16

“Hoi kras mer kal menshentsa? Hakeno an o foro Jerusalem djinell kanna, kai kran kolla i baro koowa, hoi kek wawar nai krella. Mer nai dah kowa gar buchoste.

1. Samuel 6:3

Un jon penan ap lende: “Te bitchrenn tumer o mochton o Israeleskro Deblestar pale, palle bitchrenn tchomone peha. Denn les tchomone, te well lauter pale mishto mank tumende un leste! Palle wenn tumer sasto. Jaake djinenn tumer ninna, hoske leskro wast tumendar gar krik djas.”

1. Samuel 6:9

Palle sikrell pes, hawi rigjatar koi bari bibacht pral mende was: Te djan le pre an lengro them, ap o drom an Bet-Shemesh, palle his o baro Dewel, kai sawi bari bibacht ap mende anas. Te djan le ap i wawar rig, palle haiwah, te his gar leskro wast, hoi men das, un kau tselo koowa tchitcheske ap mende was, un kek bitchras les.”