2. Mose 8:13 - O Debleskro Drom 2021 (Sinte)

¹³ Un jaake kran le kowa: O Aron hadas peskro kasht, un das an i tchik ap i phub. Kote wan i matsille pral i menshende un viechende. I tseli tchik was matsille an o tselo them Egiptia.

O Debleskro Lab 2024 (Sinte-Manouche)

¹³ Oun yaake kran le kova: O Aron hadas peskro kasht, oun das an i čik ap i phoub. Kote van i matsille pral i menshende oun firhende. I tseli čik vas matsille an o tselo them Egiptia.

2. Mose 8:13 ပူးပေါင်းရင်းမြစ်များ

1. Familjakro liil 23:28

Jon te wenn o Aroneskre tchawende pash o wast, pash i budi an o baro Debleskro kheer, ap kol glanstune platse, un an i iseme. Jon hunte krenn ko tselo koowa djudjo, hoi o Debleske hi, un ninna wawar budi an o Debleskro kheer.

Debleskri gili 105:31

Job penas, te wenn matsille, hoi tchurje denn, un bud matsille wan an o tselo them.

2. Mose 8:11

Har dikas o Farao, te hi i bibacht lestar krik, jaake har leske penlo was, kote pandas job pale peskro dji un shunas gar ap lende. Jaake was, hoi o baro Dewel penas.

2. Mose 8:12

Un o baro Dewel penas ap o Mose: “Pen ap o Aron: ‘Hade tiro kasht pre un de an i tchik ap i phub!’ Palle well koi tchik an o tselo them Egiptia matsille, kai denn tchurje.”

2. Mose 8:14

I durkepangre kaman kowa ninna pengri sorjah te krell. Un jon haiwan les gar. Un i matsille his ap i menshende un ap i viechende.